Wikipèdia:Règlas
From Wikipedia, the free encyclopedia
Aquesta pagina presenta las etapas de l'insercion d'un imatge dins l'enciclopèdia, e tanben divèrsas entresenhas importantas.
La sola veritabla dificultat es de garantir Wikipèdia contra tota perseguida per infraccion al drech de difusion dels imatges.
Tot imatge que presenta pas aquestas garantidas dins sa pagina de descripcion poirà èsser prepausat a la supression per qual que siá. L'imatge serà alara inscrich per un maximum de sèt jorns dins Imatges de suprimir en esperant de justificacions e/o una decision comuna.
Es pas possible d'afichar un imatge jos forma de ligam extèrne dins Wikipèdia. Aquò es per limitar los problèmas de vandalisme, los problèmas de dreches e mai los problèmas de ruptura de ligam.
Lo projècte Wikicommons es destinat a constituir un conservatòri central de contenguts liures, comprenent d’imatges, de musica, de tèxtes escriches e parlats, que se poiràn utilizar dins totes los projèctes Wikimedia (dont Wikipèdia, quina que siá la lenga). Seriá doncas pus interessant d'inserir d’imatges sus Wikicommons, lo principi demorant lo meteis qu'una insercion locala sul Wikipèdia occitan. |