Русинаг адæм
From Wikipedia, the free encyclopedia
Русинæгтæ (русин. Русини, Руснаки) у хохы цæрæг скæсæйнаг-славяйнаг этникон къорд. Уыдон дзурынц русинаг æвзагыл (иуæй-иу хатт нымад у уырыссаг кæнæ украинаг æвзаджы диалектыл).
Русинæгтæ | |
---|---|
Нымæц | 55 000 — 1 500 000[1] |
Ахæлиу | |
Æвзаг | русинаг, украинаг |
Дин | чырыстон дин |
Хæстæг адæмтæ | украинæгтæ, уырыссæгтæ, белоруссæгтæ, словакæгтæ, поляктæ |
Викикъæбицы медиа |
Русинæгты этнологион статус у дайуаг. Украинæйы ныгулæны, русинæгты стыр хай кæм цæры, уыдон нымад сты украинаг адæмы дæлкъордыл, кæд русинæгтæй алчидæр ууыл разы нæу, уæддæр. Словакийы та русинæгтæ нымад сты хицæн адæмыл, ис сæм чысылдæр адæмы сæрмагонд статус. Венгри æмæ Словаки русинæгтæн дæттынц «фæсарæйнаг æмбæстонты» статус, уымæй фæзыны уыцы бæстæтæм æнцонæй бацæуыны фадат.
Украинæйы русинæгтæ тырнынц автономимæ. 1991 азы 1 декабры Фæскарпаты облæсты цæрджытæй 78% схъæлæс кодтой, цæмæй облæст уа «сæрмагонд хиуынаффæйады территори»; Украинæ, кæд уыцы референдумæй йæхæдæг хæдбар сси, йæ Фæскарпаты фæстиуæг игнор кæны, облæсты статус ивынмæ нæ хъавы[10][11].