ਜੌਰਜ ਫਲੋਇਡ ਰੋਸ-ਪ੍ਰਦਰਸ਼ਨ
From Wikipedia, the free encyclopedia
ਜੌਰਜ ਫਲੋਇਡ ਰੋਸ-ਪ੍ਰਦਰਸ਼ਨ ਪੁਲਿਸ ਦੀ ਬੇਰਹਿਮੀ ਅਤੇ ਨਸਲੀ ਵਿਤਕਰੇ ਖਿਲਾਫ਼ ਚੱਲ ਰਹੇ ਪ੍ਰਦਰਸ਼ਨਾਂ ਅਤੇ ਅਸ਼ਾਂਤੀ ਦੀ ਇੱਕ ਲੜੀ ਹੈ, ਜਿਸਦੀ ਸ਼ੁਰੂਆਤ ਸੰਯੁਕਤ ਰਾਜ ਦੇ ਮਿਨੀਐਪੋਲਿਸ ਵਿੱਚ 26 ਮਈ, 2020 ਨੂੰ ਹੋਈ ਸੀ।[3] ਪਿਛਲੇ ਦਿਨੀਂ ਇੱਕ ਗੋਰੇ ਪੁਲਿਸ ਅਧਿਕਾਰੀ ਡੇਰੇਕ ਚੌਵਿਨ ਨੇ 46 ਸਾਲਾਂ ਫਲੋਇਡ ਨੂੰ ਹੱਥਕੜੀ ਲਗਾ ਕੇ ਜ਼ਮੀਨ 'ਤੇ ਸੁੱਟ ਦਿੱਤਾ ਸੀ ਅਤੇ ਉਸਦੇ ਗਲੇ ਨੂੰ ਆਪਣੇ ਗੋਡੇ ਨਾਲ ਲਗਾਤਾਰ ਲਗਭਗ 9 ਮਿੰਟ ਤੱਕ ਨੱਪੀ ਰੱਖਿਆ, ਜਿਸ ਕਾਰਨ ਫਲੋਇਡ ਦੀ ਮੌਤ ਹੋ ਗਈ।[4]
George Floyd protests | |
---|---|
the Black Lives Matter movement and reactions to the Killing of George Floyd ਦਾ ਹਿੱਸਾ | |
ਤਾਰੀਖ | May 26, 2020 – present (3 ਸਾਲ, 10 ਮਹੀਨੇ ਅਤੇ 6 ਦਿਨ) |
ਸਥਾਨ | United States (sporadic protests in other countries) |
ਕਾਰਨ | |
ਢੰਗ | Protests, demonstrations, civil disobedience, and civil resistance |
Status | Ongoing |
Deaths, injuries and arrests | |
ਮੌਤਾਂ | 22+[lower-alpha 1] |
ਗ੍ਰਿਫ਼ਤਾਰੀ | 11,000+[2] |
ਇਸ ਰੋਸ ਦੀ ਸ਼ੁਰੂਆਤ ਮਿਨੀਐਪੋਲਿਸ – ਸੇਂਟ ਪੌਲ ਮੈਟਰੋਪੋਲੀਟਨ ਮਿਨੀਸੋਟਾ ਦੇ ਖੇਤਰ ਵਿੱਚ ਸਥਾਨਕ ਵਿਰੋਧ ਪ੍ਰਦਰਸ਼ਨ ਵਜੋਂ ਹੋਈ ਸੀ। ਇਸ ਤੋਂ ਬਾਅਦ ਬਲੈਕ ਲਾਈਵਜ਼ ਮੈਟਰ ਅੰਦੋਲਨ ਦੇ ਸਮਰਥਨ ਵਿੱਚ ਇਹ ਤੇਜ਼ੀ ਨਾਲ ਪੂਰੇ ਦੇਸ਼ ਵਿੱਚ ਅਤੇ ਅੰਤਰਰਾਸ਼ਟਰੀ ਪੱਧਰ 'ਤੇ ਫੈਲ ਗਿਆ। ਹਾਲਾਂਕਿ ਬਹੁਤੇ ਵਿਰੋਧ ਪ੍ਰਦਰਸ਼ਨ ਸ਼ਾਂਤਮਈ ਰਹੇ ਹਨ,[5] ਪਰ ਕੁਝ ਸ਼ਹਿਰਾਂ ਵਿੱਚ ਇਸ ਰੋਸ ਨੇ ਦੰਗਿਆਂ ਅਤੇ ਵਿਆਪਕ ਲੁੱਟਾਂ ਮਾਰਾਂ ਦਾ ਰੂਪ ਅਖਤਿਆਰ ਕਰ ਲਿਆ,[6][7] ਜਿਸ ਵਿੱਚ ਵਧੇਰੇ ਸੜਕਾਂ ਤੇ ਹੋਈਆਂ ਝੜਪਾਂ ਅਤੇ ਪੁਲਿਸ ਦੀ ਹਿੰਸਾ ਦੀ ਨਿਸ਼ਾਨਦੇਹੀ ਕੀਤੀ ਗਈ ਹੈ।[8][9] ਘੱਟੋ ਘੱਟ 200 ਸ਼ਹਿਰਾਂ ਨੇ 3 ਜੂਨ ਤੱਕ ਕਰਫਿਊ ਲਗਾ ਦਿੱਤਾ, ਜਦੋਂ ਕਿ ਘੱਟੋ ਘੱਟ 30 ਤੋਂ ਵੱਧ ਰਾਜ ਅਤੇ ਵਾਸ਼ਿੰਗਟਨ ਡੀ.ਸੀ. ਨੇ 24000 ਤੋਂ ਵੱਧ ਰਾਸ਼ਟਰੀ ਗਾਰਡ ਦੇ ਜਵਾਨਾਂ ਨੂੰ ਇਸ ਰੋਸ ਕਾਰਨ ਬਣੇ ਅਸ਼ਾਂਤੀ ਦੇ ਮਹੌਲ ਲਈ ਸਰਗਰਮ ਕਰ ਦਿੱਤਾ ਹੈ।[10][11][12][13] ਰੋਸ ਪ੍ਰਦਰਸ਼ਨ ਦੀ ਸ਼ੁਰੂਆਤ ਤੋਂ ਲੈ ਕੇ 3 ਜੂਨ ਤੱਕ ਘੱਟੋ ਘੱਟ 11,000 ਪ੍ਰਦਰਸ਼ਨਕਾਰਾਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ,[14] ਗ੍ਰਿਫ਼ਤਾਰੀ ਵਿੱਚ ਚਾਰੇ ਪੁਲਿਸ ਅਧਿਕਾਰੀ ਵੀ ਸ਼ਾਮਿਲ ਸਨ, ਜਿਨ੍ਹਾਂ ਕਾਰਨ ਫਲੋਇਡ ਦੀ ਮੌਤ ਹੋਈ ਸੀ।[15]
ਟਰੰਪ ਪ੍ਰਸ਼ਾਸਨ ਨੇ ਆਪਣੇ ਸਖ਼ਤ ਮਿਜ਼ਾਜ, ਫੌਜੀ ਜਵਾਬ-ਦੇਹੀ ਅਤੇ ਹਮਲਾਵਰ ਬਿਆਨਬਾਜ਼ੀ ਨਾਲ ਵਿਆਪਕ ਅਲੋਚਨਾ ਕੀਤੀ ਹੈ।[16] ਗਲੋਬਲ ਕੋਵਿਡ-19 ਮਹਾਮਾਰੀ ਦੌਰਾਨ ਰੋਸ- ਪ੍ਰਦਰਸ਼ਨ ਨੂੰ ਵੇਖਦਿਆਂ ਸਿਹਤ ਮਾਹਿਰਾਂ ਨੇ ਚੇਤਾਵਨੀ ਦਿੱਤੀ ਹੈ ਕਿ ਪ੍ਰਦਰਸ਼ਨਕਾਰਾਂ ਦਾ ਇਕੱਠ ਵਾਇਰਸ ਦੇ ਤੇਜ਼ੀ ਨਾਲ ਫੈਲਣ ਜਾਂ ਮੁੜ ਹਰੇ ਹੋਣ ਵਿੱਚ ਸਹਾਇਤਾ ਕਰੇਗਾ।[17][18] ਵਿਰੋਧ ਪ੍ਰਦਰਸ਼ਨਾਂ ਕਾਰਨ ਕਰੋਨਾਵਾਇਰਸ-2020 ਨਾਲ ਹੋਈ ਆਰਥਿਕ ਮੰਦੀ ਤੋਂ ਪ੍ਰਭਾਵਿਤ ਖਪਤਕਾਰਾਂ ਦੇ ਭਰੋਸੇ ਨੂੰ ਠੇਸ ਲੱਗੀ ਹੈ। ਇਸਦੇ ਨਾਲ ਹੀ ਸਥਾਨਕ ਕਾਰੋਬਾਰਾਂ ਅਤੇ ਵੱਡੇ ਪੱਧਰ 'ਤੇ ਜਾਇਦਾਦ ਦੇ ਨੁਕਸਾਨ ਨਾਲ ਭਾਰੀ ਜਨਤਕ ਢਾਂਚਾ ਪ੍ਰਭਾਵਿਤ ਹੋਇਆ ਹੈ।[19][20][21] ਵਿਰੋਧ ਪ੍ਰਦਰਸ਼ਨਾਂ ਸਦਕਾ ਸੰਯੁਕਤ ਰਾਜ ਵਿੱਚ ਪੁਲਿਸ ਦੁਰਾਚਾਰ, ਵਿਵਸਥਾਵਾਦੀ ਨਸਲਵਾਦ ਅਤੇ ਪੁਲਿਸ ਦੀ ਬੇਰਹਿਮੀ ਦਾ ਮੁਕਾਬਲਾ ਕਰਨ ਦੇ ਉਦੇਸ਼ ਨਾਲ ਸਾਰੇ ਪੱਧਰਾਂ ਉੱਤੇ ਕਈ ਵਿਧਾਨ ਸਭਾ ਪ੍ਰਸਤਾਵ ਆਏ ਹਨ।[22][23]