Tormenta di Sùitwèst
From Wikipedia, the free encyclopedia
Tormenta Sùiduwèst ta un dje tormenta tropikal ku ta lanta inesperá den e zona tropikal ora ku awa di laman ta 26–27 grado sèlsio. E ta surgi dor di evaporashon fo'i awa di laman ku ta lanta bai den atmosfer kaminda ta friá i kondensá bira gotanan chikitu di awa. E gotanan chikitu di awa ta forma nubianan den region di preshon airu bou, ku ta un dje fuente di energia pa tempestat i yobida i ta oumentá bientu fuerte ku ta kuminsa sirkulá te ora e bira un tormenta. E fenómeno aki ta surgí mas den luna di ougùstùs, september i oktober, den temporada ei, dianan ku bientu ta ketu na nortost ta surgi yobida fuerte ku tempestat den e zona tropikal aki, ku ta keda para un kaminda yobe ora òf dianan largu te na momentu ku bientu di un dje pasatnan ta domina, e ta move den su direkshon. Si ta sùitwèst ta dominá, ta bira yobida i tormenta foí sùiduwèst (sùiduwèst òf sùitwèst) ku ta stiwa olanan di laman den direkshon nortost ku ta hasi hopi daño na naturalisa ora ke yega na tera, pa despues bai kaba na nada òf e por bira un orkan, manera e dos orkannan Lenny i Omar ku a pasa den lastu añanan riba e islanan Aruba, Boneiru, Kòrsou i otro islanan den Karibe.
- E artíkulo aki ta skirbí na papiamentu. Lo ta apresiá si por mantené e artíkulo aki na estilo di papiamentu.