User:Caribiana/Sandbox/Idioma
From Wikipedia, the free encyclopedia
https://www.ea.aw/pages/wp-content/uploads/2019/09/Literatura-na-papiamento-havo.pdf
- E artíkulo aki ta skirbí na papiamentu. Lo ta apresiá si por mantené e artíkulo aki na estilo di papiamentu.
Fundashon pa Planifikashon di Idioma (FPI) òf Stichting voor Taalplanning ta e instituto lingwistico di Kòrsou ku a lanta na aprel di 1998, i ku tambe a asumi e tareanan di e eks-Sede di Papiamentu, ku tabata aktivo entre 1983 i 1998. Riba enkargo di e gobiernu insular, e instituto a wòrdu duná forma dor di e empleadonan, bou guia di dr. Ronald Severing, e promé direktor di 1998 te 2014. E fundashon di gobièrnu ta establesé na Willemstad ku ofisina den Bon Bini Business Center na Schottegatweg Oost 10, Kaya Manuel Ribeiro.[1]
FPI ta aktivo den diferente forma den desaroyo, preparashon, regulashon i sosten di e polítika lingwístiko di Antia, tantu relashoná ku papiamentu, hulandes, ingles i spaño, maske e atenshon ta dirigí riba e promé idioma.[2] Ademas di ta produsí dokumentonan di maneho i estudionan, e organisashon ta duna hopi atenshon na publikashon di rekursonan nobo di enseñansa na Papiamentu. Esaki ta pa normalisashon i implementashon amplio di papiamentu den enseñansa. Un resumen di e material disponibel a keda publiká den e katalòk di hubileo (2009 i 2014).
Den su aktividatnan di promoshon di idioma i planifikashon di idioma, FPI ta distingui tres área di atenshon: planifikashon di status (polítika di idioma i investigashon di idioma), planifikashon di kurpa (preservashon i modernisá di idioma) i planifikashon di distribushon (idioma, edukashon i medionan).