تارا پڑھت
From Wikipedia, the free encyclopedia
تارا پڑھت یا فلکیات، زمین توں باہری چیزاں جیویں سورج، چن، پاندھی، تارے، بدلیاں، تارہ سمندر نوں پڑھن دی سائنس اے۔ ایہدے وچ ایہناں دی فزکس، کیمسٹری تے تے اسمان تے ہون والے کماں نوں وی ویکھیا جاندا اے۔ تارے کنج بندے تے مکدے نیں ایہدے وچ آندے نیں۔ تارہ پڑھت پرانیاں سائینساں وچوں اے تے پرانیاں رہتلاں عراقی، ہندستانی، چینی، مصری، یونانی، ایرانی تے مایا وچ ایس بارے اچیچی پدھر نال کھوجاں کیتیاں گیاں تے کاہڈاں کڈیاں گئیاں۔ ایہ پرانے ویلیاں توں قسمت دا پتہ کرن، راہ لبھن تے کیلنڈر بنان لئی کم لیندے سن۔
ٹیلیسکوپ دے بنن نے ایہنوں اک ٹھیک ول دی سائینس وچ پلٹیا۔ سیراریاں، تاریاں بارے ٹھیک ٹھیک پتہ چلیا تے آسمان دے ودھیا نقشے بنے۔ تارہ پڑھت کئی انگاں وچ ونڈیا گیا۔ تارہ پڑھت نوں شکین لوکاں نے وی چوکھا وادھا دتا اے تے ہجے وی شکین لوک ایدھے وچ حصہ لے سکدے نیں۔ تارہ پڑھت دا قسمت دا پتہ لان وچ کوئی کم نہیں تے دوناں نوں آپس وچ رلانا ٹھیک نہیں۔
فلکیات (یعنی: سِتاراں دا قانون؛ انگریزی: astronomy)، قُدرتی علوم دی اک ایسی مخصُوص شاخ اے جس وچ اجرامِ فلکی (مثلن چند، سیارے، ستارے، شہابیے، کہکشاں، وغیرہ) تے زمینی کرۂ ہوا دے باہر روُنما ہونے والے واقعات دا مشاہدہ کيتا جاندا اے۔ اِس وچ آسمان اُتے نظر آنے والے اجسام دے آغاز، ارتقا تے طبعی و کیمیائی خصوصیات دا مطالعہ وی کيتا جاندا اے۔ فلکیات دے عالم نوں فلکیات دان کہیا جاندا اے۔ جتھے فلکیات محض اجرامِ فلکی تے ہور آسمانی اجسام اُتے غور کردی اے، اوتھے پوری کائنات دے سالِم علم نوں علم الکائنات کہندے نيں۔