خلائی گڈی
From Wikipedia, the free encyclopedia
خلائی گڈی اک گڈی یاں مشین اے ، جہڑی خلا وچ پرواز کرن لئی ڈیزائن کیتی گئی اے ۔ خلائی گڈی کئی کماں لئی ورتی جاندی اے ، جنہاں چ مواصلات ، زمین دا مشاہدہ ، میٹیریولوجی ، نیویگیشن ، پاندھی دی کھوج تے خلائی سیاحت شامل نیں ۔ سائنس میکشن چ خلائی گڈی تے خلائی سفر عام تھیم نیں ۔
سب آربیٹل خلائی پرواز چ ، اک خلائی گڈی کسے وی مدار چ چلن دے بغیر ، خلا چ داخل ہندی اے تے واپس آ چآندی اے ۔ مداروی خلائی پرواز چ خلائی گڈی زمین یاں کسے دوجے جسم دے مدار چ داخل ہو کے اس دے دوالے گھمن لگ جاندی اے ۔ انسان بردار خنلائی پروازاں چ ورتی جان آلی خلائی گڈی چ علمے تے مسافراں دے طور تے لوک ہندے نیں ، جدوں کہ روبوٹی خلائی مشان چ ورتیاں جان آلیاں خلائی گڈیاں نوں خودکار یاں ٹیلی روبوٹیکلی آپریٹ کیتا جاندا اے ۔ سائسنی تحقیق لئی ورتیاں جان آلیاں خلائی گڈیاں سپیس پروب نیں ۔ کسے سیارے دے مدار چ گھون آلیاں خلائی گڈیاں مصنوعی سیارجے نیں ۔ صرف کجھ انٹرسٹیلر پروب ، جداں پائینیئر 10 تے 11 ، وئیجر 1 تے 2 تے نیو ہاریزون اوہناں خط حرکت (ٹراچیکٹریز) تے نیں جہڑی ساڈا سورجی نظام چھڈ چکے نیں ۔