سیب
From Wikipedia, the free encyclopedia
سیب گلاب ٹبر دا اکّ پھل اے۔ ایہ سب توں چوکھے اگاۓ تے کھادے جانوالے پھلاں وچوں اکّ اے۔ سیب دے ٹوکرے دیاں ہور ونڈاں وی انسان دے ورتن وچ نیں۔ ایہ نکے تے پتچڑی بوٹے دے اتے لگدا اے۔ سیب دا اصل دیس وشکارلا ایشیاء اے جتھے ایہدا جنگلی پرکھ ایشیائی جنگلی سیب ہجے وی ہوندا اے۔ سیب ہزاراں وریاں توں یورپ تے ایشیاء وچ اگایا جاریا اے تے یورپی واسی ایس نوں امریکہ لے آۓ۔ سیب پرانے قصے کہانیاں وچ ہے۔ سیب صحت، سہنپ تے محبت دی نشانی سمجھیا جاندا اے۔
سیب | |
پچھان | |
دیس: | بوٹے |
برادری: | پھلوالے بوٹے |
پتی: | گلابورگے |
ٹبر: | گلاب ٹبر |
ٹوکرہ: | سیب |
سائینسی ناں: | Malus domestica |
سیب طاقت دینوالا، سوادلا تے خشبو والا فروٹ اے۔ ایہ وٹامن اے، بی تے سی نال بھریا ہویا اے۔ ایہدے وچ 11٪ شکر ہوندی اے تے نال ایہدے وچ لوڑیدیاں دھاتاں وی ہوہندیاں نیں۔ ایہنوں کچا، پکا کے، جام، جیلی، شربت، سرکہ بنا کے تے ڈبیاں وچ بند کرکے ورتیا جاندا اے۔
سیب دیاں 7،500 دے نیڑے ونڈاں نیں جیہڑیاں انسان نے اپنی لوڑ لئی بنائیاں نیں۔ کھان، پکان تے سیب رس لئی وکھریاں ونڈاں نیں۔ آپ لگاۓ سیب پیوندی ہوندے نیں تے بی توں جنگلی سیب وی اگاۓ جاسکدے نیں۔ سیب نوں فنگس تے بیکٹیریا توں کئی روگ لگ سکدے نیں جنہاں توں دوائیاں یا ہور ولاں نال بچیا جاسکدا اے۔
2010 وچ 69 ملین ٹن سیب ہویا جیہدے وچوں ادھا چین وچ ہویا۔ امریکہ دوجے نمبر تے، ترکی تیجے تے، تے اٹلی، پولینڈ تے ہندستان اوہدے مگر سن۔ سیب صحت لئی ودھیا منیا گیا اے۔