Анода
From Wikipedia, the free encyclopedia
Анода, подля дефиниции Майкла Фарадея, е тот пол (стискач, спой) биполарного електричного пристроя, через котрый до него приходить конвенчный (позитивный) електричный пруд.[1]
Тота дефиниция доднесь зоставать найпростшов и найеднозначнѣйшов, котра еднако придатна про каждый можный припад хоснованя того термина.[2]
Подля алтернативной дефиниции, анода може быти[3]
- пол (стискач, спой) жерела електрикы (акумулятора, батерии), котрый при роботѣ того жерела мать позитивный потенциал односно иншого пола того самого жерела (катоды);
- електрода електровакуумного, выбойкового, електронного або йонного спотребича, припоеного в електричне коло ку анодѣ жерела електрикы;
- в електрохемии — електрода в електролитѣ, около котрой одбывать ся оксидация йонох або молекул, котры суть в зложѣню електролита (подробнѣйше см. електролиза).