Килограм
From Wikipedia, the free encyclopedia
Килограм (бесѣдно кило) — закладна единка масы в системѣ мѣр SI, означѣня котрой kg. Килограм ровный масѣ 1 дм³ хемично чистой воды при теплотѣ ей найвекшой густоты (3,98°C). Подля системы SI килограм дефинованый яко маса межинародного прототипа килограма, храненого в Межинародном урядѣ про мѣры и вагы в Севр, (Франция).[1]
Назва одведена з лат. grámma, з доданьом префикса системы SI kilo. Напрѣк тому, же единка килограм уже обсягуе префикс, она принята яко закладна; напротив грам ся поважуе за одведену, хоть всѣ множены единкы префиксують ся од грама. В системѣ SI то е уникатный припад.