Кумо-Манычска заглубина
From Wikipedia, the free encyclopedia
Кумо-Манычска заглубина, русс. Ку́мо-Ма́нычская впа́дина — геологична заглубина, котра часто ся поважуе за природну границю меджи Европов и Азиев, лежить на югу европской части России меджи Азовскым и Каспийскым морями.[1][2]
Ширина заглубины од 20 до 30 км, хоть в найузшых мѣстах спаде до 1 км, довжка — 700 км. Быв то в геологичной минулости пролив меджи двома морями. Теперь то ряд дробных соленых реликтовых озер, а в серединѣ — найвекше озеро Маныч-Гудило, споене на западѣ з рѣков Западный Маныч, притоком Дона, а на востоку з рѣков Восточный Маныч, дале каналом з рѣков Кума базена Каспийского моря.[1][2]