உலர்திராட்சை
From Wikipedia, the free encyclopedia
உலர்திராட்சை அல்லது ரைசின் (raisin) என்பது ஒரு உலர்ந்த வகை திராட்சை ஆகும். உலர்திராட்சைகள் உலகின் பல பகுதிகளில் உற்பத்தி செய்யப்படுகின்றன. இவற்றை பச்சையாகவோ, சமைத்தோ உண்ணலாம். வெதுப்பிகளில் பயன்படுத்திக் கொள்ளலாம். ஐக்கிய இராச்சியம், அயர்லாந்து, நியூசிலாந்து, ஆஸ்திரேலியா ஆகிய நாடுகளில் உலர்ந்ததும் பெரியதுமான கருநிற திராட்சை "ரைசின்" எனவும்,[1], உலர்ந்த தங்கநிற திராட்சை "சுல்தானா " எனவும், சிறியதும் உலர்ந்ததுமான விதையற்ற[2] கருநிற கொரிந்து திராட்சை "திராட்சை வத்தல் " எனவும் அழைக்கப்படுகின்றன.[3]