கடல்சார் உயிரியல்
From Wikipedia, the free encyclopedia
கடல் உயிரியல் (Marine biology) என்பது கடல் மற்றும் கடலில் வாழும் உயிரினங்களைப் பற்றிய அறிவியல் துறையாகும். கடல் உயிரிகள் வகைப்பாடு சுற்றுச்சூழலை அடிப்படையாகக் கொண்டு வகைப்படுத்தப்பட்டுள்ளது.
பூமியில் உள்ள உயிரினத் தொகுதியில் பெரும் பகுதி கடலில் வாழ்கின்றன. இந்த மிகப் பெரிய அளவு இன்னும் முழுமையாக அறியப்படாத பல சிற்றினங்களைக் கொண்டதாக உள்ளது. கடலானது ஒரு சிக்கலான முப்பரிமாண உலகம் ஆகும். இது புவியின் மேற்பரப்பில் சுமார் 71% சதவீதமாக உள்ளது.[3] கடல் உயிரினங்களின் வாழ்விடங்கள் மேற்பரப்பு நீரில் இருந்து 10 ஆயிரம் மீட்டர் அல்லது அதற்கு மேலான கடல் ஆழம் வரை பரவி இருக்கின்றன. முக்கியமான வாழ்விடங்கள் பவளப்பாறைகள், கல்ப் கார்டுகள், கடல் புல்வெளிகள் ஆகும். கடல் குன்றுகள், வெப்பக் துவாரங்கள், அலைக் குளங்கள், சேற்று மணல், பாறைகள் நிறைந்த அடிப்பரப்பு, திறந்த கடல் மண்டலம் (திடப்பொருட்கள் காணப்படாத பார்வை எல்லை முழுவதும் நீரால் சூழப்பட்ட பகுதி) ஆகியவற்றால் சூழப்பட்டதாகும்.
இதில் நுண்ணோக்கி மூலம் காணக்கூடிய பைட்டோபிளாங்டன் மற்றும் மிகப்பெரிய பாலூட்டிகள் நீலத் திமிங்கிலங்கள் (நீளம் 25- 32 மீட்டர் அல்லது 82 -105 அடிகள்). கடல் சூழலியல் என்பது கடல் உயிரினங்கள் எவ்வாறு கடல் சுற்றுச்சூழலுடன் தொடர்பு கொள்கின்றன என்பதை பற்றி அறிவதாகும்.
கடல் உயிரினங்கள் உணவு பொருள், மருத்துவம், பொன்றவற்றிற்கான மூலப்பொருட்களாக பயன்படும் பல வகையான வளங்களைக் கொண்டது. பொழுதுபோக்கு மற்றும் சுற்றுலாத்துறைக்கும் பயன்படுகிறது. நம் பூமியின் இயல்பை தீர்மானிப்பதில் பெரும் பங்காற்றுகின்றன. ஆக்சிஜன் சுழற்சியில் கணிசமான பங்களிப்பை செய்கின்றன.[4] கடற்கரைகள் சில வகை கடல் உயிரினங்களாலேயே உருவாக்கப்பட்டு பாதுகாக்கப்படுகின்றன.[5]
பல இனங்கள் மனிதர்களுக்கு பொருளாதாரரீதியாக முக்கியத்துவம் வாய்ந்தவையாக உள்ளன. கடல் மற்றும் கடல் சார்ந்த முக்கியமான சுழற்சிகள் பற்றிய ஆய்வுகள் அதிகரித்த வண்ணம் உள்ளன. இது புவியின் சுவாசம் போன்றது. பெருங்கடலுக்கு கடலுக்கு அடியில் இருக்கும் பெரிய பகுதிகள் இன்னும் அறியப்படாதவையாக உள்ளன.