படகோட்டல்
boating / From Wikipedia, the free encyclopedia
படகோட்டல் (Boating) என்பது ஓய்வாகப் படகில் பயணம் செய்வதாகும். இது பரவலான மக்கள் பொழுதுபோக்காகும். உலகெங்கும் பல மில்லியன் கணக்கான படகோட்டிகள் உள்ளனர். படகுகள் விசைப்படகாகவோ கைத்துடுப்புப் படகாகவோ திறனூட்டிய சிறுகலங்களாகவோ அமையலாம். படகில் மீன்பிடிக்கலாம் அல்லது படகில் இருந்து குதித்து விளையாடலாம்.
ஏரி, ஆறு போன்ற உள்நாட்டு நீர் நிலைகளிலும், ஆழம் குறைந்த அண்மைக் கடல் பகுதிகளிலும் ஓட்டுவதற்கென்றே பாய்மரம் பொருத்திய 20 மீட்டருக்கும் குறைவான கலங்களையே படகுகள் எனலாம். மகிழுலாப் படகோட்டுதலுக்குரிய படகுகள் பொதுவாகக் கண்ணாடி இழை, மரம், அலுமினியம் போன்றவற்றால் உருவாக்கப்படுகின்றன. அலுமினியப் படகுகள் உறுதியாக இருப்பினும் விலை மிகுதி காரணமாக இவற்றின் பயன் மிகக் குறைவே. கண்ணாடி இழைப் படகுகள் சுமை குறைவாகவும், உறுதியாகவும் உள்ளமையால் இவற்றின் பேணல்பணி மிகவும் எளிதாகும். இவை தற்போது மிகவும் புகழ் பெற்றுள்ளன.