ఆహారపు గొలుసు
From Wikipedia, the free encyclopedia
ఆహారపు గొలుసు (Food Chain ) అనేది ఏ జీవావరణ వ్యవస్థలోనైనా వృక్షాలు, జంతువులు ఒకదాని పై మరొకటి ఆధారపడి ఉండే ఒక ప్రక్రియ. ఆ జీవసముదాయము ఆహారపు గోలుసును ఏర్పరుస్తాయి. ఒకదానితో ఒకటి ఏ విధంగా లంకెపడి ఉంటుందో వాటికి అవసరమయ్యే పోషక పదార్ధముల మీద ఆవిధంగా ఆధారపడి ఉంటాయి మొక్కలలోని మూల ఆహారశక్తి జంతువులలోకి, ఇవి ఒకదానిని మరొకటి తినడం వల్ల జక జంతువు నుండి మరొక జంతువుకు రవాణా అవుతుంది.సజీవులన్నీ (మొక్కలు కాకుండా ) ఆహారం కోసం ఒకరిపై మరొకరు ఆధారపడి ఒక గొలుసులాంటి నిర్మాణాన్ని ఏర్పరుస్తాయి.[1] మొక్కలు పరాగ సంపర్కకారులైన కీటకాలలో ఒకటి నశిస్తే మరొకటి నశిస్తుంది.
ఆహార గొలుసులను మొదట అరబ్ శాస్త్రవేత్త, తత్వవేత్త అల్-జాహిజ్ 10 వ శతాబ్దంలో ప్రవేశపెట్టారు, తరువాత 1927 లో చార్లెస్ ఎల్టన్ ప్రచురించిన పుస్తకంలో దీనికి ప్రాచుర్యం కలిపించారు, ఇది ఆహార వెబ్ food web అనే భావనను కూడా ప్రవేశపెట్టింది. ఆహార గొలుసు యొక్క పొడవు అనేది చలరాశులు మీద ఆధార పడి ఉంటుంది ఇది శక్తి యొక్క కొలత, పర్యావరణ నిర్మాణం యొక్క సూచికను అందిస్తుంది, ఇది తక్కువ నుండి అత్యధిక ట్రోఫిక్ (దాణా) స్థాయికి ఉన్న అనుసంధానాల ద్వారా పెరుగుతుంది.
ప్రకృతికి సహజసిద్ధంగా ఉన్న జీవవైవిధ్యం ఎంతో అవసరం. సున్నితమైన ఈ ఆహారపు గొలుసు దెబ్బతింటే ప్రకృతిలో జీవజాతుల మనుగడకే ప్రమాదం. జీవజాతులు నశించిపోవడం వలన మానవ ఉనికినే ప్రశ్నార్థకంగా మార్చుచున్నది. ఎందుకంటే ఈ భూమిమీద ఉన్న ప్రతి ప్రాణి ఏదోఒక ప్రాధాన్యతను కలిగిఉంది. ఇందులో ఏ జీవజాతి కనుమరుగైనా ఆహారపు గొలుసు దెబ్బతింటుంది.[2] ఇది అనేక ఇతర జాతుల వినాశనానికి దారితీస్తుంది.[3]