జావేద్ మియాందాద్ అంతర్జాతీయ క్రికెట్ సెంచరీల జాబితా
From Wikipedia, the free encyclopedia
జావేద్ మియాందాద్ పాకిస్థాన్ మాజీ బ్యాట్స్మెన్ కెప్టెన్. [2] అతను తన 17 ఏళ్ల అంతర్జాతీయ కెరీర్లో టెస్టు క్రికెట్లో 23 సెంచరీలు, వన్డే ఇంటర్నేషనల్ (వన్డే) లో 8 సెంచరీలూ చేశాడు. [1] [3] మియాందాద్ 124 టెస్టు మ్యాచ్లు ఆడి 8,832 పరుగులు చేసి టెస్టు క్రికెట్లో పాకిస్థాన్కు అత్యధిక స్కోరర్గా నిలిచాడు. 233 వన్డే మ్యాచ్ల్లో 7,381 పరుగులు చేశాడు. [2] 1982లో, అతను విస్డెన్ క్రికెటర్స్ ఆఫ్ ది ఇయర్లో ఒకరిగా ఎంపికయ్యాడు; క్రికెట్ ఆల్మనాక్ అతన్ని "ప్రపంచంలోని అత్యుత్తమ, అత్యంత ఉత్తేజకరమైన ఆటగాళ్ళలో ఒకడు" అని ట్యాగ్ చేసింది. [4] [5] 2009 జనవరిలో అతను ICC క్రికెట్ హాల్ ఆఫ్ ఫేమ్లోకి ప్రవేశించాడు [6] [7]
మియాందాద్ [8] 1976 లో లాహోర్లోని గడ్డాఫీ స్టేడియంలో న్యూజిలాండ్తో జరిగిన టెస్టులో తొలి టెస్టు ఆడుతూ సెంచరీ సాధించాడు. ఈ ఘనత సాధించిన రెండో పాకిస్థాన్ ఆటగాడతడు. [9] [10][note 1] కరాచీలోని నేషనల్ స్టేడియంలో జరిగిన సిరీస్లోని మూడవది, చివరిదీ అయిన టెస్టులో, 206 పరుగులు చేశాడు. 19 సంవత్సరాల 141 రోజుల వయసులో, డబుల్ సెంచరీ చేసిన అతి పిన్న వయస్కుడైన ఆటగాడిగా నిలిచాడు. [11] [12] ఏడేళ్ల తర్వాత, 1983లో, హైదరాబాద్లోని నియాజ్ స్టేడియంలో భారత్పై మియాందాద్ తన అత్యధిక టెస్టు స్కోరు, 280* సాధించాడు. [13]
టెస్టు క్రికెట్లో మియాందాద్ ఆరుసార్లు డబుల్ సెంచరీ చేశాడు. [14] అతను తన 100వ టెస్టు మ్యాచ్లో కూడా సెంచరీ సాధించాడు. అది సాధించిన రెండవ ఆటగాడతడు. [15] [note 2] మియాందాద్ పదమూడు క్రికెట్ గ్రౌండ్లలో టెస్టు సెంచరీలు చేసాడు. అందులో తొమ్మిది పాకిస్తాన్ వెలుపల ఉన్న వేదికలు.[16] [17] అతని టెస్టు సెంచరీల్లో నాలుగు, అతను కెప్టెన్గా ఉన్నప్పుడు చేసినవి. 2012 ఆగస్టు నాటికి, అతను టెస్టు కెరీర్లో అత్యధిక సెంచరీల మొత్తం జాబితాలో ఇరవై ఒకటవ స్థానంలో ఉన్నాడు. [18]
మియాందాద్, 1975లో వెస్టిండీస్తో బర్మింగ్హామ్లోని ఎడ్జ్బాస్టన్లో తన తొలి వన్డే ఆడాడు.[19] [20] 1982 లో గుజ్రాన్వాలా మునిసిపల్ స్టేడియంలో భారతదేశానికి వ్యతిరేకంగా తన మొదటి వన్డే సెంచరీ సాధించాడు. అతని అత్యధిక వన్డే స్కోరు 119 నాటౌట్. గడ్డాఫీ స్టేడియంలో 1982 డిసెంబరు 31న జరిగిన ఆ మ్యాచ్లో పాకిస్తాన్, భారత్ చేతిలో ఓడిపోయింది [21] 2012 ఆగస్టు నాటికి, అతను ఆల్-టైమ్ కంబైన్డ్ సెంచరీ మేకర్స్లో మొత్తం ముప్పైవ స్థానంలో ఉన్నాడు, ఈ స్థానాన్ని అతను సయీద్ అన్వర్, అరవింద డి సిల్వాలతో పంచుకున్నాడు. [22]