ట్యూరింగ్ అవార్డు
From Wikipedia, the free encyclopedia
ట్యూరింగ్ అవార్డు అనేది కంప్యూటర్ సైన్స్ లో అత్యుత్తమ సాంకేతిక రచనలు చేసిన వ్యక్తులకు ఇస్తారు. ఈ పురస్కారం అసోసియేషన్ ఫర్ కంప్యూటింగ్ మషీనరీ (ACM) అనే సంస్థ ద్వారా సంవత్సరానికి ఒక సారి ఇవ్వబడుతుంది. ట్యూరింగ్ అవార్డు ని సర్వోన్నతమైన పురస్కారంగా భావిస్తారు. దీనిని నోబెల్ పురస్కారంతో సమానంగా భావిస్తారు. బ్రిటిష్ గణిత శాస్త్రజ్ఞుడు ఆలన్ ట్యూరింగ్ కి గుర్తుగా, ఈ పురస్కారం పేరు ట్యూరింగ్ అవార్డు అని పెట్టబడింది. 2007 నుంచి 2013 వరకు ఈ పురస్కారంతోబాటు నగదు బహుమతి (USD 250,000) కూడా ఇవ్వబడేది. ఈ డబ్బు ఇంటెల్ ఇంకా గూగుల్ అనే సంస్థలు అందజేసేవి. 2014 నుంచి గూగుల్ సంస్థ మాత్రమే ఈ పురస్కారంతోబాటు నగదు బహుమతి (USD 10 లక్షలు) అందజేస్తోంది.
ఈ పురస్కారాన్ని 1966 లో కార్నెగీ మెల్లన్ విశ్వవిద్యాలయంలో పనిజేసే ఆలన్ పేర్లిస్ మొదటి సారి అందుకున్నారు. 2006 లో IBM సంస్థకు చెందిన ఫ్రాన్సిస్ ఈ అల్లెన్ ఈ పురస్కారాన్ని అందుకున్న మొదటి మహిళ.