భారత జాతీయ చలనచిత్ర పురస్కారాలు - ఉత్తమ సహాయ నటుడు
From Wikipedia, the free encyclopedia
ఉత్తమ సహాయ నటుడికి భారత జాతీయ చలనచిత్ర పురస్కారము (లేదా ఉత్తమ సహాయ నటుడికి రజత కమల పురస్కారం) 1984 నుండి సహాయపాత్రలలో జాతీయ స్థాయిలో ఉత్తమ నటన ప్రదర్శించిన నటుడికి ఇస్తున్నారు. ఈ అవార్డు క్రింద వెండి కమలం, ప్రశంసాపత్రము, 50 వేల రూపాయల నగదు బహూకరిస్తారు. (2005 వరకు బహుమతి 10వేల రూపాయలు ఇచ్చేవారు.) ఇంతవరకు ఈ విభాగంలో 32 పురస్కారాలు, 29మంది నటులకు 7 భాషలలో ప్రదానం చేశారు. ఈ పురస్కారం లభించిన భాషలు: బెంగాలీ, హిందీ, మరాఠీ, మలయాళం, తెలుగు, కన్నడ, తమిళం. మొదటి పురస్కారం విక్టర్ బెనర్జీ గెలుచుకోగా, నానా పటేకర్, పంకజ్ కపూర్, అతుల్ కులకర్ణిలు అత్యధికంగా రెండు రెండు సార్లు పురస్కారాలు పొందారు. ఒకే సంవత్సరంలో రెండు చిత్రాలలో ప్రదర్శించిన ఉత్తమ నటనకు పరేష్ రావెల్, దిలీప్ ప్రభావల్కర్లకు ఈ పురస్కారం లభించడం విశేషం. పరేష్ రావెల్కు 1993లో వో ఛోక్రీ, సర్ అనే సినిమాలకు ఈ పురస్కారం లభించగా దిలీప్ ప్రభావల్కర్కు 2006లో లగేరహో మున్నాభాయ్, షెవ్రీ (మరాఠీ) సినిమాలలోని నటనకు ఈ అవకాశం దక్కింది. 1994లో ఆశిష్ విద్యార్థి, నగేష్ ఇద్దరూ ఈ పురస్కారాన్ని పంచుకున్నారు.
భారత జాతీయ చలనచిత్ర పురస్కారాలు - ఉత్తమ సహాయనటుడు | ||
పురస్కారం గురించి | ||
---|---|---|
ఎలాంటి పురస్కారం | జాతీయస్థాయి | |
విభాగం | భారతీయ సినిమా | |
వ్యవస్థాపిత | 1984 | |
మొదటి బహూకరణ | 1984 | |
క్రితం బహూకరణ | 2014 | |
మొత్తం బహూకరణలు | 32 | |
బహూకరించేవారు | సినిమా ఉత్సవాల డైరెక్టరు | |
నగదు బహుమతి | ₹50,000 (US$630) | |
వివరణ | సహాయ పాత్రలలో ఉత్తమ నటన ప్రదర్శించిన నటుడు | |
మొదటి గ్రహీత(లు) | విక్టర్ బెనర్జీ |