యానిమేషన్
From Wikipedia, the free encyclopedia
యానిమేషన్ అనేది చలన ముద్రను సృష్టించడానికి ద్విమితీయ లేదా త్రిమితీయ చిత్రాల నిరంతర, వేగవంతమైన ప్రదర్శన[1] . ఇది దృక్పథం దృగ్విషయం ఆధారంగా ఒక సాంకేతికత. యానిమేషన్ అనేది వరుస డ్రాయింగ్లు, మోడల్స్ లేదా తోలుబొమ్మలను కూడా చిత్రీకరించే పద్ధతి. ఇది ఒక క్రమంలో కదలిక యొక్క భ్రమను సృష్టిస్తుంది. ఒక దృశ్యాన్ని మనం చూసిన తర్వాత అది కొంతకాలం (1/25 సెకను) మన కళ్ళలో ఉంటుంది. దీని కారణంగా కొద్ది మార్పులలో కూడిన చిత్రాలు ఒక క్రమంలో కదలడం మూలంగా మన దృష్టికి చిత్రంలోని వస్తువులు కదులే భ్రమ కనిపిస్తుంది. చిత్రాలు సెకనుకు 12-24 సార్లు మారినప్పుడు సాధారణ వేగం కలిగిన సినిమా రూపొందించబడుతుంది. చిత్రాల సంఖ్యను సర్దుబాటు చేయడం ద్వారా మనం సినిమా వేగాన్ని సర్దుబాటు చేయవచ్చు. సాంప్రదాయ యానిమేషన్లో, ఫోటోగ్రఫీ, ఫిల్మ్ ఎక్స్పోజర్ కోసం చిత్రాలు చేతితో గీయబడేవి లేదా పారదర్శక సెల్యులాయిడ్ షీట్ లపై పెయింట్ చేయబడతాయి. ప్రస్తుతం చాలా యానిమేషన్లు కంప్యూటర్ ద్వారా రూపొందించబడిన చిత్రాలతో తయారుచేయబడుతున్నాయి. నిర్ధిష్ట దిశలో ఏకకాలంలో ద్విమితీయ, త్రిమితీయ కళాకృతులను ప్రదర్శించడాన్ని యానిమేషన్ అంటారు. యానిమేషన్ అనేది ఒక రకమైన దృశ్య భ్రమ కూడా కావచ్చు. "యానిమేషన్" అనే పదం లాటిన్ పదం "మెనెమేటియన్" నుండి వ్యుత్పత్తి అయినది. దీని ఆంగ్ల పదం యొక్క అర్ధం "చేతనం". సినిమాటోగ్రఫీ టెక్నాలజీ వచ్చే వరకు, యానిమేషన్ పెద్దగా అభివృద్ధి చెందలేదు.
ఈ వ్యాసం లేదా వ్యాసభాగాన్ని విస్తరించవలసి ఉంది. సముచితమైన సమాచారంతో వ్యాసాన్ని విస్తరించండి. విస్తరణ పూర్తయిన తర్వాత, ఈ నోటీసును తీసివేయండి. |