شریفہ
From Wikipedia, the free encyclopedia
شريفہ[1] ( انگريزى :sugar-apple،يا sweetsop، ہندی :سیتا) ، اس كواونوونا اسکوئموسہ کا پھل كہاجاتاہے، يہ اونوونا کی سب سے مشہور قسم ہے۔ اس پھل كى زراعت امريكہ اور ويسٹ انڈيز ميں ہواكرتى تھى ، يہ پھل ايك ہسپانوی تاجر كے ذريعہ ايشياء پہنچا۔
يہ پھل گول مخروطى شكل كا ہوتا ہے، اس كى لمبائى 6-10 سينٹى ميٹر اور اس كا وزن 100-240 گرام ہے، اس كے اوپر ايك موٹا سا چھلكا ہوتا ہے، عام طور پر اس كا رنگ ہلكا نيلے اور سبز رنگ كا ہوتاہے،اس پھل كى کچھ ايسى قسميں بھى ہيں جن كا رنگ كھلا ہوا گہرا گلابی ہوتا ہے۔يہ گودے والے پھلوں ميں اونونا كى منفرد قسم ہے اس طور پر كہ اس كے گودے الگ الگ ہوتے ہيں۔ زيادہ پكنے كى صورت ميں وہ پھل خود بخود پھٹ جاتا ہے۔
اس كا گودا خوشبودار ميٹھا، كريم دارسفيد كے ساتھ ہلكا پيلے رنگ كا ہوتاہے اور اس كا ذائقہ كسٹرڈ كى طرح ہوتاہے اور اسى كى طرح دكھتا بھى ہے۔ یہ 13 سے 16 ملی میٹر طویل الگ الگ حصوں ميں مخروطى شكل كے بيچ كے ارد گرد پايا جاتاہے یہ نرم ، قدرے دانے دار اور پھسلن والا ہوتاہے۔ ہر پھل كے اندر بيج كى تعداد 20 سے 40 يا اس سے زيادہ ہوتى ہے جو كہ سخت اور چمكدار ہوتے ہيں اور اس كا رنگ بھورا سياہ مائل ہوتا ہے حالانكہ اس كے بعض اصناف ايسے پائے جاتے ہيں جس ميں بيج نہيں ہوتى۔ تائیوان میں اس كى نئی قسمیں بھی تیار کی جارہی ہیں۔