فلرٹنگ
From Wikipedia, the free encyclopedia
فلَرٹِنگ (ماخوذ از انگریزی flirting، یعنی ظاہری عشق بازی) یا عِشْوَہ گَری ایک سماجی اور جنسی برتاؤ ہے جس میں لفظی یا تحریری پیامات کی ادلا بدلی ہوتی ہے، متصلًا جسمانی زبان کا بھی مظاہرہ ہو سکتا ہے، جس میں ایک شخص دوسرے انسان سے گہرے رشتے کی دل چسپی کا اظہار کرتا ہے یا پھر یہ دل کے بہلانے اور مذاق کے لیے بھی کیا جا سکتا ہے۔
کئی تہذیبوں میں یہ سماجی طور پر ناقابل قبول ہے کہ ایک شخص کسی دوسرے شخص کے لیے واضح طور جنسی پہل بر سر عام کرے یا نجی طور پر کسی شخص سے ایسا کرے جس سے وہ عشق و معاشقے کا رشتہ نہ رکھتا ہو۔ مگر بالواسطہ یا اشاروں اشاروں کی پہل کو ممکن ہے کہ کہیں جگہ ملے۔