Còdaze Morse
From Wikipedia, the free encyclopedia
El còdaze Morse, dizesto anca alfabeto Morse, el ze un sistema par trasmétar létare, nùmari e segni de puntejatura par via de un segnałe in còdaze a intermitensa e el ze sta uno dei primi mètodi de comunicasion a distansa. Un altro mètodo par doparar el còdaze morse el ze coi dei, raprezentando el ponto co l'ìndaze e par el tratin invese se połe doparar l’ìndeze e el deo mèdio.
El zera sta ojeto de stùdio de Samuel Morse dal 1835, ma el zera sta desviłupà dal tècnego Alfred Vail, so cołaboratore dal setenbre del 1837. El zera sta da anbedó sperimentà par ła prima volta inte l'8 de zenaro del 1848, davanti de na Comision del Franklin Institute de Philadelphia, doparando el tełègrafo.
El còdaze Morse ła ze na forma ante litteram de comunicasion dizitałe. Tutavia, defarentemente dei moderni còdazi binari che i dòpara solché du stati (comunamente raprezentai co 0 e 1), el Morse el ghene dòpara sìncue: ponto (•), lìnea (—), intervało curto (intrà i ponti e łe lìnee inte l'interior de na létara), intervało mèdio (intrà létare) e intervało longo (intrà parołe).