Carega
From Wikipedia, the free encyclopedia
Ła carega xe n'ełemento uxà par sentarse, xeneralmente costituìo da un piano orizontàl che pògia su ganbe e da no schinàl. I materiałi coi quai xeneralmente se costruisse łe careghe i xe legno, fero, plastega, ma, esendo dei oxeti majormente utiłixà come "exerçisio stiłistico" dai designer de tuti i tenpi, no i xe pochi łi exempi creai co altri materiałi.
Dezanbìgua – Se te serchi Carega (el monte), védarse Monte Carega |
Ła pì antica forma de carega gera queła egissia, de legno piturà o entarsà co materiałi presioxi cuałi ebano, avorio o metało. Ła podaria aver i piè a forma de sata de animal.
I babiłonexi i doparea careghe de legno de palma, un materiałe morbido e façiłe da łaorà, mentre i re asiri i uxava troni ricamente decorai.