Jacques François Delyen
From Wikipedia, the free encyclopedia
Jacques François Delyen ('t zou kunn Deleye zyn) (Gent, 25 juli 1684 - Parys, 3 moarte 1761) was e Vlamsche kunstschilder en graveur, surtout van portreitn. Zyn noame wordt ip vele maniern verkêerd geschreevn, lik Delien, de Lyen, Deslyens, Deslien, De Lyn, De Leyen, De Lieu, Delion of Delyen.
Over zyn leevn ist er nie vele mè geweetn. In 1705 kwamt 'n mêester in de Corporoasje van schilders, beeldhouwers en glasbloazers in Gent. Roend 1710-1715 giengt 'n in de leer by Nicolas de Largillierre en van 1720 toet 1723 zoudt 'n in Rome gewerkt èn. In 1725 wierd 'n toegeloatn toet d' Académie royale de peinture et de sculpture in Parys en je blêef doa weunn toet an zyn dôod in 1761.