Remi van Leemput
From Wikipedia, the free encyclopedia
Remi van Leemput of Remigius van Leemput, in 't Iengels Remee (Antwerpn, 19 december 1607 - Londn, 4 november 1675) was e Brabantsche portreitschilder die surtout actief was in Iengeland.
Je verhuusde verzekers noa Londn roend 1632. Je werkte tegoare met Antoon van Dyck. Je makte kopies van zyn werk en ook van andere schilders lik Peter Lely. 't Zou kunn zyn dat 'n assistent van Lely gewist is.
Van Leemput krêeg e prominente posiesje in de Londnsche kunstweireld. Je kwam kunstcommerçant en e belangryke verzoameloare van schilderien en têekniengn. Achter d' execuusje van keunienk Charles I van Iengeland in 1649 wierd zyn kunstverzoamelienge verkocht vo zyn schuldenoars te kunn werebetoaln. Van Leemput was actief ols koper van de kunstwerkn van de keunienklike collecsje. Je verwierf 35 schilderien en beeldhouwwerkn uut die verkoop over e periode van zes moandn. Je kocht werkn van Titiaan, Giorgione, Van Dyck, Correggio en Andrea del Sarto.