Motî Louis Marcelle so les nos des plantes et les mots d' botanike
From Wikipedia, the free encyclopedia
Li Motî Louis Marcelle so les nos des plantes et les mots d' botanike ki s' vraiy no, e francès, c' est Nom de plantes et vocabulaire botanique français-wallon, c' est on dobe motlî (francès-walon, pu walon-francès), ki ramexhnêye les nos walons di totes les plantes et pårteyes di plantes ki sont ddja dins des ôtes motlîs et motîs.
Il est eplaidî pal province di Nameur e 2016, avou l' aidance da Joëlle Spierkel, Maryse Mathy et Michel Fautsch.
Après l' franwal, gn a on walfran ordinaire, mins avou djusse ene pårteye des mots walons, riprins dizo l' rahouca G100 del djivêye des motîs do walon.
On l' pout eto rahoukî come franwal dizo essegne FG100.