Hé (toponimeye)
From Wikipedia, the free encyclopedia
Ene hé (riscrît e francès d' Walonreye å pus sovint Heid, mins eto Haid), u ene hazale, c' est on (ptit) bwès avou des ptits åbes, so del pôve tere.
Po des linwincieusès racsegnes sol mot "hé", alez s' vey sol Wiccionaire |
Ene hé est todi metowe so on tiene. Ça pout esse ene plaece avou des brouwires, did la li maxhaedje avou li flamind heide (brouwire).
Ene hé ni pout esse espwetêye ki come ene taeye.
On rtrouve les mots "hé", "hazale" et leus ôtes parints dins mwints nos d' plaeces del Walonreye.
Li mot "hé" a eto dné des nos d' famile del Walonreye
Alez s' vey e splitchant motî po des linwincieusès racsegnes so les mots "hé", héjhete, "hazale", "hazete".
Les mots "hazale" "(h)azèle" et "hazete" ni shonnnut nén aveur a vey avou des toponimes ki vénrént do mot "hesse" (hasse).
Les nos d' plaeces avou "Hé" sont diferins des nos d' plaeces avou "håye", ki corespondnut a des bwès pus ptits, pus ritches e télfeye bén etertinous.