განდაკი
From Wikipedia, the free encyclopedia
განდაკი ვარდა კალი-განდაკი — ართ-ართი შანულამი წყარმალუ ნეპალს დო განგიშ კვარჩხანი ნადუ ინდოეთის. ნეპალს თაშნეშე უჯოხონა კრიშნა-განდაკი.[1] ნეპას წყარმალუ ჩინებული რე ტომბა ლეხერეფით ჰიმალაიშ გვალეფს დო ქვერსემი ჰიდროელექტრული პოტენციალით. წყარმალუშ ღანჩოშ ედომუშამი ფართობი 46 300 კმ² რე, ნამუშ უდიდაში ნორთი ნეპალს იდვალუაფუ. თაშნეშე ღანჩო იკათუანს მოსოფელიშ გვალო რსებულ 14 თიჯგურა კონკაშე სუმს, ნამუეფიშ სიმაღალე 8 000 მეტრშე უმოსი რე; თენეფი რე — დჰაულაგირი, მანასლუ დო ანაპურნა. თინეფშე უმაღალაში რე დჰაულაგირი.
ბიწორი ფაქტეფი განდაკი, ნეპალ. कालीगण्डकी नदी ჰინ. कालीगण्डकी ...
განდაკი | |
---|---|
ნეპალ. कालीगण्डकी नदी ჰინ. कालीगण्डकी | |
წყარმალუ კალი-განდაკიშ ართ-ართი წყარპიჯიშ მიოჯინი | |
დოხასიათაფა | |
სიგჷრძა | 630 კმ |
ღანჩოშ ფართობი | 46 300 კმ² |
წყარიშ ნადუ | |
ოდუდე | მუსტანგ-კჰოლა/კიუგომა-კჰოლა |
• სიმაღალა | 6000 მ |
აკაკათაფუ | განგი |
• ორენი | პატნა (ინდოეთი) |
• სიმაღალა | 44 მ |
ქიანეფი | ინდოეთი, ნეპალი |
კილუა
წყარმალუ დუდს ეთმეჭოფჷნს ნეპალს, ტიბეტიშ ხურგიწკჷმა, ზუღაშ დონეშე 6 268 მეტრის, მუსტანგიშ რეგიონს.