კოლუმბიაშ რევოლუციური აკოანჯარაფილი ნძალეფი
From Wikipedia, the free encyclopedia
კოლუმბიაშ რევოლუციური აკოანჯარაფილი ნძალეფი — კათაშ არმია, კრან-კა (ესპ. Fuerzas Armadas Revolucionarias de Colombia – Ejército del Pueblo, FARC-EP), ფარკი — კოლუმბიაშ კვარჩხანრადიკალური მაშონთე ჯგუბუა. 2001 წანას, ააშ-იშ სახენწჷფო დეპარტამენტიქ ფარკი ტერორისტულ ორგანიზაციეფიშ ერკებულშა გემშეჸონჷ, ევრორსხუქ მოგვიანეთ ანალოგიური გინოჭყვიდირი მიღჷ. კუბა დო ვენესუელა ჩემებჷლენა, ნამჷ-და თე ორგანიზაცია პარტიზანული რე, ნამუთ ქიმინჯენს ბოლივარიანული იდეეფიშ ოსხირით.
კოლუმბიაშ რევოლუციური აკოანჯარაფილი ნძალეფი (ფარკი) |
||
---|---|---|
ქიანა | კოლუმბია | |
ლიდერი | ტიმოლეონ ხიმენესი | |
დირსხუ | 1964 | |
აკოცუ | 2016 | |
იდეოლოგია | მარქსიზმ-ლენინიზმი, ბოლივარიანიზმი | |
|
2016 წანაშ 22 მანგის, ჰავანას კოლუმბიაშ თარობაშ დო ფარკიშ წჷმმარინაფალეფქ გეგმაცხადეს დაჩხირიშ საბოლოოთ მეჭყვიდუაშ, ანჯარიშ ენწყჷმაშ, უშქურანჯობაშ გარანტიეფიშ დო კრიმინალური ორგანიზაციეფწკჷმა ბურჯაფიშენ აკორაგადაფაშ აპიჯალაშ გეშა. აკორაგადაფას ხე მაჭარეს 23 მანგის[1][2]. 26 ეკენიას, კოლუმბიაშ პრეზიდენტ ხუან მანუელ სანტოსიქ დო ფარკიშ ლიდერქ როდრიგო ლონდონიო-ეჩევერიქ (ტიმოლეონ ხიმენესიქ) ოთინჩალე აპიჯალას ხე ქჷმაჭარეს. ისტორიული დოკუმენტიშ მოჭარუაშ გეშა კარტახენას ესურეს გოეროშ გენერალურ მელამოსე პან გი მუნქ, კუბაშ დო ვენესუელაშ პრეზიდენტეფ რაულ კასტროქ დო ნიკოლას მადუროქ, ააშ-შ სახენწჷფო მელამოსე ჯონკერიქ. თეწკჷმა ართო ტიმოლეონ ხიმენესიქ გჷმაცხადჷ, ნამჷ-და თინეფი გაგჷნძორენა ბურჯაფის, მარა კანონიერ ვეს[3].