ოპერაცია უმწომორინაფილი
From Wikipedia, the free encyclopedia
ოპერაცია „უმწორინაფილი“ (ინგლ. Operation Unthinkable) — გიონთხაფალი დო დუდიშ ოთხილუ გეგმაშ კოდური ჯოხო თი მოხვალამაშო, ოურდუმე კონფლიქტი ქიდიჭყაფუდჷდა ართი განშე დიდ ბრიტანეთიშ დო ააშ-შ დო მაჟირა განშე სსრ-შ შქას. აკიმუშჷ 1945 წანაშ გიშულირ-ზარხულიშ პერიოდის. ჟირხოლო გეგმაქ დიდი ბრიტანეთიშ პრემიერ-მინისტრიშ უინსტონ ჩერჩილიშ დავალებათ ძალამი ფულირი პიჯალეფს აკიმუშჷ დიდი ბრიტანეთიშ ლჷმაშ კაბინეტიშ დოგეგმუაშ გოართიანაფილი შტაბიქ. ათეჟამო, დოკუმენტეფი იჩუალუაფჷ დიდი ბრიტანეთიშ ერუანულ არქივს[1]. გიონთხაფალი გეგმაშ თარი ღანკი რდჷ სხუნუეფიშ ჯარეფიშ პოლონეთიშე ნძალით რაჸუა, დუდიშ დაცვებელიშ — ბრიტანეთიშ კოკეფიშ დაცვებაშ ორგანიზაფა თიმწკჷმაიანშო, სხუნუეფუშ ნძალეფი გენშალჷდ ბჟადალი ევროპაშადა. კანკალე წყუშ მეჯინათ ათე გეგმა გინიჯინუდჷ, მუჭოთ მასუმა მოსოფელი ლჷმაშ გეგმა[2][3]. გეგმაშ პროექტიშ წჷმორინაფას ჩერჩილქ გაცხადჷ „ათენა რე ოწმახშე ესკიზი დო იმენდი მიღჷ იფრელი დიო ხოლო ჰიპოტეზური შიოლებერი რე“[4].