რნბ მოსოფელიშ ჰიპოთეზა
From Wikipedia, the free encyclopedia
რნბ მოსოფელიშ ჰიპოთეზა რე თელარაშ ევოლუციური ისტორიაშ ჰიპოთეზური სტადია, ნამუშ მეჯინათ რნბ მოლეკულეფი, ნამუეფს რეპლიკაცია შეულებუდეს, დნბშ დო ცილეფიშ ევოლუციაშახ არსებენდეს. მაართა მენცარი, ნამუქჷთ წჷმარინუ ჸათე ჰიპოთეზაშ კონცეფცია 1962 წანას, რდჷ ამერიკალი ბიოლოგი დო ბიოფიზიკოსი ალექსანდრე რიჩი. ტერმინი რნბ მოსოფელი (ინგლ. RNA world) მიშეღჷ ამერიკალი ბიოქიმიკოსიქ, ფიზიკოსიქ დო ნობელიშ პრემიაშ ლაურეატიქ უოლტერ გილბერტიქ, 1986 წანას. რნბს ხოლო შეულებჷ ჩუას დო გინოჩას გენეტიკური ინფორმაცია. რნბ ფერმენტეფს (რიბოზიმი) შეულებჷ ქიმიური რეაქციეფიშ კატალიზი, ნამ ქიმიური რეაქციეფი რე თარი კომპონენტეფი თელარაშ გოჭყაფაშო. თოლიშ თარი კომპონენტი რე რიბოსომა, ნამუთ უმოსო რნბს იკათუანს. რნბშ სტრუქტურა სუსტი რე დო ვარე დნბცალ ჭყანიერი. ჭიეჭიეთ ევოლუციაშ გეშა შილებედჷ ქუმოხვადუკო რიბონუკლეოპროტეიდეფიშა გინულაქ, ნამუსჷთ უკულ ქუმაჸუნჷ დნბშ დო გინძე ცილეფიშ გოვითარაფაქ. დნბ რე უმოსი სტაბილური, ვიდრე რნბ. ჸათეშ გეშა დნბქ ინფორმაციაშ მაჩუალარ დომინანტურ მოლეკულათ გინირთჷ.