ფილოსოფია
From Wikipedia, the free encyclopedia
ფილოსოფია — მენცარობა, მოსოფელიშმეჯინალა, იდეეფიშ დო მეჯინალეფიშ სისტემა ოქიანუშ გეშა დო თიშ დინოხ ადამიერიშ აბანიშენ. თიში რკვიებაშ მეკონი რე ოქიანუწკჷმა ადამიერიშ აკოჩინებაშ, სოციალურ-პოლიტიკური, ანდაღებუაფონი, ეთიკური დო ესთეტიკური ურთიართობეფი. ფილოსოფიაშ შხვადოშხვა პრობლემეფიშ გჷნაჭკირალო გჷმირინუანდეს თიჯგურა ურთიართსააწმარენჯო გეჸვენჯობეფს, მუჭომეფით რე: დიალექტიკა დო მეტაფიზიკა, რაციონალიზმი დო ემპირიზმი, მატერიალიზმი დო იდეალიზმი, ნატურალიზმი დო სპირიტუალიზმი, დეტერმინიზმი დო ინდეტერმინიზმი დო თ.უ.
თეხანური ფოლოსოფიაშ თარი ტენდენციეფი მერსხილი რე თიჯგურა ფუნდამენტური პრობლემეფიშ გარზაფაწკჷმა, მუჭომეფით რე თეხანური ცივილიზაციაშ ჭარა, კულტურეფიშ ანდაფერუამალა დო ართობუა, ადამიერიშ დოგურაფაშ ორთა, ჸოფურალა დო ნინა.