შვედეთიშ პროვინციეფი
From Wikipedia, the free encyclopedia
შვედეთიშ პროვინციეფი — ისტორიული, გეოგრაფიული დო კულტურული რეგიონეფი. პოლიტიკური თოლწონუათ, შვედეთიშ პროვინციეფს ვაუღჷნა ადმინისტრაციული ფუნქციეფი, მარა ისტორიულ-კულტურული მუშობურობეფიშ გეშა თინეფიშ გიშართუალა ტრადიციულო რე მიშაღალირი.
თინეფშე მუსხირენი, 1634 წანაშახ წჷმარინუანდჷ შვედეთიშ გიმენ დჷნორთუს, უკული თინეფქ დითირეს ადმინისტრაციული ართაულეფით -ლენეფით (შვედ. län). თინეფშე მუსხირენქ მიდაღალირქ იჸუ დანია-ნორვეგიაშ რსხუშე, მუსხირენი ფინეთიშ პროვინციაქ - მედინუ. ხვალე ლაპლანდი რე აკა პროვინცია, ნამუთ შვედეთიქ მიპალჷ კოლონიზაციაშ მეშწაშაფათ.
კანკალე შვანს, ადმინისტრაციული ართული ლენი დო ისტორიული პროვინცია თახე ართიანს უხვადუ, სამანგათ ბლეკინგეშ პროვინცია დო ბლეკინგეშ ლენი. მარა კანკალე შვანს თაშ ვახვადუ, თაშნეშე 1990-იან წანეფს პროვინციეფიშ ისტორიული ხურგეფიშ უგუთოლიშწორაფეთ აკიქიმინ მუსხირენ ახალ ლენქ.
შვედეთიშ პროვინციეფი ამდღარშახ გჷმირინუაფუ ორაგადე ნინას დო ხელუანობას, მარა თინეფს ვაუღჷნა თიჯგურა დორზოლუა, მუნერით ისტორიულო უღუდესინ. პროვინციას მახორუ კათა მუნეფიშ დუდს კანკალეშა ვა პროვინციაშ ვარინ ლანიშ მახორუთ მირჩქინუანს.