中華人民共和國旅遊業
From Wikipedia, the free encyclopedia
中華人民共和國旅遊業,簡稱中國大陸旅遊業、中國旅遊業(英文:Tourism in China),因卅年間有明顯增長、而家成為唨中國大陸經濟嘅大產業之一而受到國際社會關注[1]。 中華人民共和國(下稱中國大陸)幅員遼闊、歷史悠遠,有住大量人文景觀同埋自然景點,譬如萬里長城、紫禁城、敦煌莫高窟、麗江古城、黃山同長江三峽、杭州西湖、青海湖等等,同時又有似上海邇啲快速發展緊嘅城市。中國大陸每年吸引唨超過1億3千萬人次嘅外國遊客到中國大陸旅行[2],同時內部國民旅遊高至38億人次。國際媒體即專稱中國大陸國籍遊客叫做中國遊客(英文:Mainland Chinese visitor[3][4])、內地遊客[5]、抑或大陸遊客[6][7]。佢哋以普通話同簡體中文為主,多數唔識廣府話、繁體中文同英文[未記出處或冇根據]。除開經濟,國內外媒體、社會都有關注到啲遊客嘅質素,各地亦噻時爆發有關社運[8][9]。而中國政府都有針對中國遊客嘅政策,如:旅遊不文明行為記錄、將「一簽多行」[10]政策取代成「一周一行」[11]。