加密電子貨幣
From Wikipedia, the free encyclopedia
- 會靠密碼學原理產生同分發啲貨幣,尤其係會用到區塊鏈技術;
- 成個過程當中會靠分散式(有好多部响唔同位置嘅電腦)嘅方法核實啲交易-即係例如當有個人用隻加密電子貨幣買嘢嗰陣,個網絡入面啲電腦會做運算,跟住事先定好並且裝咗落各部機嘅一套協議,核實「A 君傳 xx 咁多錢畀 B 君」噉嘅資訊;途中唔會靠銀行等中央化嘅組織管控[3]。
例如
加密電子貨幣嘅一個重要特徵係去中心化-由一大拃分散嘅電腦負責處理啲資訊,而齋係呢點已經引起咗激烈爭議:有唔少人認為去中心化係好嘅,表示個市場難出現壟斷嘅情況;但另一方面,又有好多人話去中心化表示個市場監管唔夠嚴密,搞到個市場零舍多唔見得光嘅交易,甚至仲有國家地區因為呢類原因而禁用加密電子貨幣[3][5]。
雖然加密電子貨幣有爭議,呢種貨幣依然吸引咗唔少人用,個市場有咁上下大-有估計話到咗 2022 年,加密電子貨幣成個市場總值成 1.09 萬億美金咁多,當中有成 4,150 億美金(佔咗 40% 左右)嘅都係 bitcoin [6][7]。