希伯來字母
From Wikipedia, the free encyclopedia
希伯來字母(希伯來文:אָלֶף־בֵּית עִבְרִי,羅馬拼音:alef-bet ʿIvri[註 1])係拼寫希伯來文嘅字母,有22個,唔分大細楷,寫字嘅時候係由右到左打橫寫。22個字母當中嘅其中5個喺字尾(字嘅最左便)嘅時候會唔同寫法,不過如果個字得一個字母就唔算數。而今用緊嘅除咗正楷字母之外,仲有一套手寫用嘅 「潦草」 字母。
而今用緊嘅正楷字母其實唔係古代本來用開嗰套,而係喺公元前三世紀嗰陣,當以色列變成波斯帝國嘅猶大省嘅時候,由當時嘅波斯官話阿拉米文成套借過來,本來叫做 「亞述字」(希伯來文:כְּתָב אַשּׁוּרִי,ktav Ashuri),但係而今一般人只會叫佢做 「方塊字」(希伯來文:כתב מרובע,ktav merubaʿ),因為成套亞述字借過來用嗰陣,為咗廢事令人反感,已經將套字改咗名。而今一般人唔會識睇古希伯來字,[1] 「亞述體」 亦都只係指宗教典藉用嘅一種書法字體或者印刷字體。
希伯來字母亦都用來寫依地文。