總描
From Wikipedia, the free encyclopedia
總描(粵拼:zung2 miu4;英文:generalization)係設計地圖嗰時會用到嘅一種技巧,無論人手畫地圖定寫演算法教電腦顯示地圖,都有機會用到。總描講緊嘅係由一幅 zoom 得近嘅地圖嗰度衍生出一幅 zoom 得冇咁近嘅地圖嗰陣,幅圖嘅細節要做些少修改。最簡單嘅手法,就係拎走一啲冇咁「重要」嘅地方嘅名,等幅地圖可以少啲文字。
總描有陣時會引致所謂嘅巴爾的摩現象:總描表示 zoom 得冇咁近嘅地圖會少咗好多「冇咁重要」嘅細節;是但攞一件地圖上嘅物體,就算佢真係有返咁上下重要,如果佢附近有另一樣重要度更高嘅嘢,佢都會(喺畫地圖嘅過程當中)被忽略。呢種情況嘅一個出名例子係美國巴爾的摩—巴爾的摩係一座幾大嘅城市,但係佢喺正美國首都華盛頓市隔離,因此 zoom 得冇咁近嘅地圖成日都會忽略佢。