元素週期表
From Wikipedia, the free encyclopedia
門得列夫發現有啲元素,有相似嘅化學性質,而且重喺隔咗一定數目嘅元素之後,又重複返之前元素嘅化學性質,於是諗到將元素用表排起。佢將當時已知嘅63種元素依原子量嘅大細並用表嘅形式排列,將有相似化學性質嘅元素放喺同一行,就係元素週期表嘅雛形。利用週期表,門得列夫成功預測當時重未被發現嘅元素嘅特性(鎵、鈧、鍺)。1913年英國科學家莫色勒利用陰極射線撞擊金屬產生X射線,發現原子序越大,X射線嘅頻率就越高,因為咁佢認為核嘅正電荷決定咗元素嘅化學性質,並將元素依照核裏面正嘅電荷(即係質子數或者原子序)排列,經過多年修訂之後先成為家陣嘅週期表。
喺週期表入面,元素係以元素嘅原子序排列,最細嘅排最先。表入面一橫行稱為一個週期,一直行稱為一個族。
元素週期表唔單只用喺化學上,就連物理、生物、工程學同埋工業都被廣泛應用。