推廣普通話
From Wikipedia, the free encyclopedia
而家中國各地嘅廣播同電視台喺大部分時間必須用普通話嚟講,淨係得廣東有用「粵語」嘅特權,係因為必須向香港做政治宣傳嘅原因。[2]電視劇、電影都唔畀用「方言」嚟講,唔係嘅話冇得通過審查。最近有部分學校出現講半句「方言」俾老師鬧一鑊。[3]
中國當局推廣普通話嘅目的係畀全中國人聽得明人哋講乜。但呢個運動從1998年9月第三個星期開始,一直搞到而家,中國南方有好多人都唔識自己嘅「方言」。另一方面,喺貧困地區冇辦法推廣,搞到全國重有差唔多半數以上嘅人唔識聽普通話。[4]就因為噉搞到中央當局出現大力推廣普通話嘅現象,但南方好多城市嘅人都強烈反對推廣普通話。
由於推廣普通話嘅實際操作,往往變成消滅「方言」、消滅其他漢語族語言,因此「推普」同「滅方」往往相提並論,「推普滅方」成爲常用嘅四字詞。當中反映嘅係有啲人嘅「官話霸權主義」,覺得「中文」或者「漢語」可以由「官話(包括普通話)」嚟代表,矮化咗其他漢語族語言。