Clark Gable
Amerikaanse akteur / From Wikipedia, the free encyclopedia
William Clark Gable (1 Februarie 1901 – 16 November 1960) was ’n Amerikaanse rolprentakteur. Sy bekendste rol was waarskynlik dié van Rhett Butler in die epiese prent Gone with the Wind (1939), waarvoor hy sy derde Oscar-benoeming vir beste akteur gekry het. Hy is egter ook vir Mutiny on the Bounty (1935) benoem en het ’n Oscar gewen vir It Happened One Night (1934).[1] Ander prente sluit in Manhattan Melodrama (1934) en The Misfits (1961).
Clark Gable | |
Publisiteitsfoto van Gable (omstreeks 1940) | |
Geboortenaam | William Clark Gable |
---|---|
Geboorte | 1 Februarie 1901 Cadiz, Ohio, VSA |
Sterfte | 16 November 1960 Wes-Hollywood, Kalifornië, VSA |
Nasionaliteit | Amerikaans |
Beroep(e) | Akteur |
Aktiewe jare | 1923–'60 |
Rolprente | It Happened One Night (1934) Mutiny on the Bounty (1935) Gone with the Wind (1939) The Misfits (1961) |
Internet-rolprentdatabasis-profiel |
Rolprentpryse | |||
---|---|---|---|
Prys | Jaar | Kategorie | Prent |
Gewen | |||
Oscar | 1934 | Akteur | It Happened One Night |
Benoem | |||
Oscar | 1935 | Akteur | Mutiny on the Bounty |
Oscar | 1939 | Akteur | Gone with the Wind |
Gable het sy loopbaan op die verhoog begin en in 1924 tot 1930 as ’n ekstra in stilrolprente verskyn. In 1931 het hy ’n paar byrolle gehad voor hy die volgende jaar sy eerste hoofrol gekry het. Hy het in die volgende drie dekades die hoofrol in meer as 60 flieks gespeel.
Hy het saam met die voorste aktrises van Hollywood gewerk. Sy gunsteling-medester, Joan Crawford,[2] het in agt rolprente saam met hom gespeel, Myrna Loy in sewe, Jean Harlow in ses, Lana Turner in vier en Norma Shearer en Ava Gardner in drie. In sy laaste prent, The Misfits, speel hy saam met Marilyn Monroe – dit was ook haar laaste prent.