Engelse Wikipedia
Engelse weergawe van Wikipedia / From Wikipedia, the free encyclopedia
Die Engelse weergawe van Wikipedia was die eerste uitgawe van hierdie aanlynensiklopedie en is op 15 Januarie 2001 begin.[3] Na omtrent vyf jaar is die miljoenste artikel in Maart 2006 geskep. Hiermee laat hulle die ander Wikipedias, soos die Duitse, Franse en die Nederlandse Wikipedias, ver agter.[4] Slegs een-en-'n-halfjaar later, op 9 September 2007 bereik die Engelstalige Wikipedia reeds hulle tweemiljoenste artikel, op 17 Augustus 2009 hulle driemiljoenste artikel, op 13 Julie 2012 hulle viermiljoenste artikel, op 1 November 2015 hulle vyfmiljoenste artikel en op 23 Januarie 2020 hulle sesmiljoenste artikel.
Engelse Wikipedia | |
---|---|
Tipe webblad | Wiki |
Taal(e) | Engels |
Registrasie | Opsioneel |
Eienaar | Wikimedia Stigting |
Opgerig | 15 Januarie 2001 |
Huidige status | Aktief |
URL | en.wikipedia.org |
Die Simple English Wikipedia (simplewiki) is 'n variasie waarin die meeste artikels slegs van basiese Engelse woordeskat gebruik maak. Daar is ook die Ou-Engelse (Ænglisc/Angelsaksiese) Wikipedia (angwiki), sowel as 'n toets of "broeikas"-weergawe vir die Middel-Engelse Wikipedia (emmwiki).