Árabe libanés
From Wikipedia, the free encyclopedia
El árabe libanés ye la forma d'árabe dialeutal falada n'El Líbanu. Como'l restu de les variedaes falaes de la llingua árabe, nun tien calter oficial, siendo'l árabe estándar la variedá que s'usa na escritura, los medios de comunicación y los contestos bien formales. Esisten tamién, como n'otres partes del mundu árabe, un rexistru entemediu ente l'árabe estándar y l'árabe dialeutal que s'utiliza en contestos formales pero distendíos.
Libanés | |
---|---|
Faláu en | El Líbanu norte de Israel |
Falantes | Ensin envalorar |
Familia | Afro-asiáticu Semíticu |
Alfabetu | Alfabetu árabe |
Estatus oficial | |
Oficial en | Nengún país |
Reguláu por | Nun ta reguláu |
Códigos | |
ISO 639-1 | nengún |
ISO 639-2 | {{{iso2}}} |
ISO 639-3 | ajp |
Variedaes del árabe llevantín, ente les que s'atopen les variedaes falaes n'El Líbanu. |
La mayoría de los vocablos del libanés son árabes, pero como asocede con tolos dialeutos de la rexón, arriquecióse con aportaciones del turcu dende'l sieglu XVI, cuando la rexón taba gobernada polos turcos otomanos. Esti dialeutu amás, asimiló pallabres provenientes del francés y del inglés.