Cólera
enfermedá infeiciosa / From Wikipedia, the free encyclopedia
El cólera[1] ye una enfermedá aguda, diarreica, provocada pola bacteria Vibrio cholerae, que manifiéstase como una infeición intestinal. Los especialistes caltienen que probablemente llegó a Europa dende la India, y llueu empezó a cobrar vides n'Europa oriental y central nes primeres décades del Sieglu XIX. En Hungría tiénense los primeros rexistros en 1830 y yá para 1831 cobrara cerca de 300.000 víctimes.[2] Rápido arrobinóse per Francia, Italia, Alemaña ya Inglaterra y ensin saber esautamente la naturaleza de la enfermedá mientres un par de décades. Finalmente ésta foi afayada por Filippo Pacini nel añu 1854, y darréu Jaume Ferran i Clua ellaboró la primer vacuna. La infeición xeneralmente ye benigna o asintomática, pero, dacuando, pue ser grave. Aproximao una de cada 20 persones infestaes puede tener la enfermedá n'estáu grave, carauterizada por foria aguacienta profusa, vultures y entumecimiento de les piernes. Nestes persones, la perda rápida de líquidos corporales lleva a la deshidratación y a la postración. Ensin tratamientu fayadizu, puede asoceder la muerte en cuestión de delles hores.
Alvertencia: Wikipedia nun ye un consultoriu médicu nin farmacolóxicu. Si piensa que precisa ayuda, por favor, fale con un profesional de la salú. |
Cólera | ||
---|---|---|
Clasificación y recursos esternos | ||
CIE-10 | A00 | |
CIE-9 | 001 | |
OMIM | 166600 | |
DiseasesDB | 29089 | |
MedlinePlus | 000303 | |
eMedicine | med/351 | |
MeSH | D002771 | |
Especialidá | infeutoloxía | |
Avisu médicu | ||
[editar datos en Wikidata] |
El cólera produció delles epidemies, dalgunes d'elles d'algame práuticamente mundial, como la que, partiendo de la India (zona de Bengala), afaró Europa y América a principios del sieglu XIX. En xineru de 1991 surdió una epidemia de cólera en dellos países del norte d'América del Sur que s'espublizó rápido. El biltu más recién de cólera esta rexistráu n'Haití, por causa de los estragos del terremotu producíu en xineru de 2010.
El cólera foi pocu frecuente nos países industrializaos mientres los postreros 100 años; sicasí, esta enfermedá entá ye común n'otres partes del mundu, incluyendo'l subcontinente Indiu, Sureste Asiáticu, Llatinoamérica y el África Subsaḥariana.
Una persona puede adquirir cólera bebiendo líquidu o comiendo alimentos contaminaos cola bacteria del cólera. Mientres una epidemia, la fonte de contaminación son xeneralmente les fieces d'una persona infestada. La enfermedá puede tremase rápido n'árees con tratamientos desaparentes d'agua potable y agües residuales. La bacteria del cólera tamién puede vivir en ríos salubres y agües costeres.
Ye pocu común la tresmisión del cólera direutamente d'una persona a otra; poro, el contautu casual con una persona infestada nun constitúi un riesgu pa contraer la enfermedá.
Preséntase como epidemia onde esisten condiciones sanitaries deficientes, hacinamiento, guerra y inanición. Árees reinales son:Asia, África, el Mediterraneu y más apocayá, América Central y del Sur. Un tipu de Vibrio tuvo acomuñáu colos mariscos, especialmente ostres crudes. Tamién son factores de riesgu morar n'árees reinales o viaxar per elles, según beber agua contaminada o non tratada.