Devónicu
From Wikipedia, the free encyclopedia
El Devónicu[2] ye una división de la escala temporal xeolóxica que pertenez a la Era Paleozoica; esta estrémase en seis periodos de los que'l Devónicu ocupa'l cuartu llugar siguiendo a el Silúricu y precediendo al Carboníferu. Empezó hai unos 416 millones d'años y terminó hai unos 359 millones d'años.[3][4][5]Debe'l so nome a Devon, un condáu allugáu na península de Cornualles, nel suroeste d'Inglaterra, llugar onde'l xeólogu escocés Roderick Murchison y el so colega inglés Adam Sedgwick, identificaron esti sistema na década de 1830.
Era[1] | Periodu | Millones años | |
---|---|---|---|
Paleozoicu | Permianu | 299,0 ±0,8 | |
Carboníferu | Pensilvánicu | 318,1 ±1,3 | |
Misisípicu | 359,2 ±2,5 | ||
Devónicu | 416.0 ±2,8 | ||
Silúricu | 443,7 ±1,5 | ||
Ordovícicu | 488,3 ±1,7 | ||
Cambrianu | 542,0 ±1,0 | ||
No que fai a la paleogeografía, les tierres remanecíes terminaron partíes ente un supercontinente nel sur, Gondwana, y otru nel norte, al altor del ecuador, llamáu Laurasia, qu'empezó'l periodu como dos cratones en choque, Laurentia y Báltica, dixebraos primeramente pol océanu Iapetus. A la llarga dambos converxeron para, más tarde, formar el supercontinente únicu llamáu Panxea.
Nos océanos, los tiburones primitivos fáense más numberosos que mientres el Silúricu, y apaecen los primeros peces d'aletes lobulaes y los pexes óseos. Los grandes petones de coral, los trilobites y los braquiópodos siguen siendo comunes, y apaecen los primeros moluscos ammonites. Sobre tierra firme, les primeres plantes con grana estiéndense formando enormes montes. Mientres el Devónicu, hai unos 365 millones d'años, surden los primeros anfibios. Tamién abonden delles llinies d'artrópodos terrestres. A la fin del periodu produció la estinción masiva del Devónicu, qu'afectó gravemente a la vida marina. Mientres el Devónicu formaron los xacimientos de petroleu y de gas de delles zones.