Méxicu
república federal constitucional d'América del Norte / From Wikipedia, the free encyclopedia
Méxicu[11] o México[12] (castellán: México; náhuatl: Mēxihco), nomáu oficialmente Estaos Xuníos Mexicanos, ye un país d'América del Norte. Asitiáu na parte meridional del subcontinente, llenda al norte colos Estaos Xuníos d'América, al sureste con Belize y Guatemala, al este col golfu de Méxicu y el mar Caribe y al oeste col océanu Pacíficu. Ye'l decimocuartu país mayor del mundu, con alredor de dos millones de kilometros cuadraos d'estensión, y tien una población (INEGI, 2010) de cuasique 112 millones de persones. Les más d'elles tienen como llingua materna l'español, que ye la llingua nacional del país xunto con otres 67 llingües indíxenes[13] .
Méxicu | |||||
---|---|---|---|---|---|
estáu soberanu | |||||
| |||||
Himnu nacional |
Himnu Nacional Mexicanu | ||||
Alministración | |||||
Nome oficial | Estaos Xuníos Mexicanos | ||||
Capital | Ciudá de Méxicu | ||||
Forma de gobiernu | república federal | ||||
Presidente de Méxicu | Andrés Manuel López Obrador (dende 1r avientu 2018) | ||||
Presidente de Méxicu | Andrés Manuel López Obrador (dende 1r avientu 2018) | ||||
Llingües oficiales |
castellanu náhuatl maya llingües de Méxicu | ||||
División |
ver
| ||||
Rellaciones diplomátiques |
ver
| ||||
Miembru de |
ver
| ||||
Xeografía | |||||
Coordenaes | 23°N 102°W | ||||
Superficie | 1 972 550 km² (puestu 15) | ||||
% agua | 2,5% | ||||
Costes | Océanu Pacíficu, océanu Atlánticu | ||||
Llenda con | 3152 km al norte con Estaos Xuníos d'América, al sureste 956 km con Guatemala y 193 km con Belize | ||||
Puntu más altu | Citlaltépetl (es) | ||||
Puntu más baxu | Laguna Salada (es) | ||||
Demografía | |||||
Población | 112 322 757 (12−06−2010) hab. (2017) | ||||
Densidá | Error d'espresión: Caráuter de puntuación "&" non reconocíu. hab/km² | ||||
Xentiliciu |
mexicanu (xéneru masculín) mexicana (xéneru femenín) | ||||
Esperanza de vida | 77,118 años | ||||
IDH | 0,758 (2021) | ||||
Tasa de fertilidá | 2,243 (2014) | ||||
Economía | |||||
Moneda | pesu mexicanu | ||||
PIB nominal | 1 272 838 810 896 $ (2021) | ||||
Bancu central | Banco de México (es) | ||||
Más información | |||||
Dominiu d'Internet | .mx | ||||
Códigu telefónicu | +52 | ||||
Códigu ISO | 484 / MEX / MX | ||||
Estaya horaria | Hora Estándar Central, Mountain Time Zone (MTZ), Tiempu del Pacíficu y Horariu del este de Norteamérica | ||||
gob.mx | |||||
La presencia humana en Méxicu remóntase a 30.000 años AP. Tres de dellos milenios de desarrollu cultural surdieron nel actual territoriu de Méxicu les cultures mesoamericanes, aridoamericanes y oasisamericanes. Nel sieglu XVI el so espoxigue foi interrumpíu pola llegada los españoles, que dominaron el país hasta 1810, cuando'l país entamó la llucha pola so independencia. Algamada esta, el país foi escenariu demientres el sieglu siguiente de delles guerres internes y invasiones foriatas, qu'afectaron fondamente la vida diaria de los mexicanos. El sieglu XX (especialmente la primer metá) foi, baxo la direición política ininterrumpida del Partíu Revolucionariu Institucional, una época de gran espoxigue económicu.
Según la Organización Mundial del Turismu Méxicu ye'l principal destinu turísticu d'América Llatina, y ún de los diez países más visitaos del mundu[14]. Inflúin nesi fechu la existencia nel país de 31 llugares, culturales y naturales, consideraos pola UNESCO como Patrimoniu de la Humanidá. Pol volume del so productu interior brutu nominal ye consideráu la decimocuarta economía mundial[15], siendo la segunda mayor economía d'América Llatina y la cuarta de tol continente. El repartu de la riqueza, por embargu, ye perdesigual, coexistiendo nel país conceyos con índices de desarrollu humanu asemeyaos a los d'Alemaña[16] con otros con índices asemeyaos a los de Burundi[17]. Méxicu ye tamién ún de los países con mayor diversidá climática del mundu, y agospia el 10-12% de toa la biodiversidá mundial[18] y más de 12.000 especies endémiques.[19]
Políticamente Méxicu ye una república democrática, representativa y federal formada por 31 estaos y un distritu federal, qu'abarca la Ciudá de Méxicu, sé del gobiernu y les instituciones de la federación, y la so rodiada.