Guyana
From Wikipedia, the free encyclopedia
La Guyana[10] (oficialmente República Cooperativa de Guyana) ye un país del norte d'América del Sur. Sicasí, aveza a considerásela, polos sos fuertes llazos culturales, históricos y políticos colos países caribeños de llingua inglesa, como parte de la rexón del Caribe. El país llenda al norte col océanu Atlánticu, al este con Surinam, al oeste con Venezuela y al sur con Brasil. Ye, colos sos malpenes 215.000 km² d'estensión, el tercer país más pequeñu de Sudamérica tres d'Uruguái y Surinam.
Guyana | |||||
---|---|---|---|---|---|
estáu soberanu | |||||
| |||||
Lema nacional |
One People, One Nation, One Destiny (inglés: «Un Pueblu, Una Ñación, Un Destín») | ||||
Himnu nacional |
Himno nacional de Guyana (es) | ||||
Alministración | |||||
Nome oficial |
Co-operative Republic of Guyana (en) Guyana (en) République coopérative du Guyana (fr) | ||||
Capital | Georgetown | ||||
Presidente de Guyana | Irfaan Ali (dende 2 agostu 2020) | ||||
Primer Ministru de Guyana | Mark Phillips (es) (dende 2 agostu 2020) | ||||
Llingües oficiales | inglés | ||||
División | |||||
Rellaciones diplomátiques |
ver
| ||||
Miembru de |
ver
| ||||
Xeografía | |||||
Coordenaes | 5°44′00″N 59°19′00″W | ||||
Superficie | 214970 km² | ||||
% agua | 8,4% | ||||
Costes | 459 km | ||||
Llenda con | 2.462 km | ||||
Puntu más altu | Roraima (es) | ||||
Puntu más baxu | Océanu Atlánticu | ||||
Demografía | |||||
Población | 777 859 hab. (2017) | ||||
Densidá | 3,62 hab/km² | ||||
Xentiliciu |
guyanés (masculín singular) guyanesa (femenín singular) | ||||
Esperanza de vida | 66,65 años | ||||
IDH | 0,714 (2021) | ||||
Tasa de fertilidá | 2,558 (2014) | ||||
Economía | |||||
Moneda | Dólar guyanés | ||||
PIB nominal | 8 044 498 801 $ (2021) | ||||
Bancu central | Bancu de Guyana | ||||
Más información | |||||
Dominiu d'Internet | .gy | ||||
Códigu telefónicu | +592 | ||||
Códigu ISO | 328 / GUY / GY | ||||
Estaya horaria | UTC−04:00 y America/Guyana (en) | ||||
parliament.gov.gy | |||||
Guyana ye la más occidental de les Guayanes, nome que recibe la fastera de territoriu sudamericanu asitiáu al norte del cauce del ríu Amazones y al este del del ríu Orinocu. Habitada dende antiguo por dellos grupos d'indíxenes, el territoriu foi llugar d'asentamientu de colonos holandeses primero de que, a finales del sieglu XVIII, cayera embaxu del control británicu. Col nome de Guayana inglesa, y con una economía agrícola basada en plantaciones, foi gobernada por esti país hasta la década de 1950. Algamó la independencia en 1966, y convirtióse nún estáu soberanu perteneciente a la Commonwealth en 1970. La herencia británica espéyase na so organización política y nel amiestu de races (hindús, africanos, amerindios y otres) que conformen la so población.
Guyana ye l'únicu país d'América del Sur que tien l'inglés como llingua oficial. La mayoría de la población, sicasí, fala en criollu guyanés, una llingua criolla de base inglesa, como primer llingua. El país pertenez al área cultural conocida como Caribe anglófonu, y nelli tien la so sé, na ciudá de Georgetown, la Comunidá del Caribe. En 2008 Guyana xunióse, como miembru fundador, a la Unión de Naciones Suramericanes.