Seleición masculina de fútbol de Cataluña
From Wikipedia, the free encyclopedia
La seleición de fútbol de Cataluña (en catalán, Selecció de futbol de Catalunya) ye l'equipu formáu por xugadores catalanes que representa a la Federación Catalana de Fútbol (FCF). Yá que nun ye miembru de la FIFA nin del Comité Olímpicu Internacional, la seleición absoluta catalana nun puede participar en torneos oficiales, y namái apuesta partíos amistosos non oficiales a nivel internacional. Sicasí, en categoríes inferiores participa nes competiciones oficiales qu'entama la Federación Española de Fútbol, y dende 1999 la seleición catalana amateur apuesta la Copa de les rexones de la UEFA.
Seleición masculina de fútbol de Cataluña | ||||
---|---|---|---|---|
| ||||
Datos xenerales | ||||
Asociación | Federación Catalana de Fútbol (FCF) | |||
Confederación |
Dependiente de la Real Federación Española de Fútbol (RFEF) | |||
Nomatu | La selecció, la cuatribarrada, la segadora | |||
Más goles | Sergio García (8) | |||
Más particip. | Sergio González (15) | |||
Primer partíu internacional | ||||
Cataluña 0-7 Francia — 21 de febreru de 1912 | ||||
Meyor resultáu internacional | ||||
Cataluña 5-0 Nixeria — 22 d'avientu de 1998 | ||||
Cataluña 5-0 Lituania — 22 d'avientu de 2000 | ||||
Peor resultáu internacional | ||||
Cataluña 0-7 Francia — 21 de febreru de 1912 | ||||
Cataluña 0-7 España — 13 de marzu de 1924 | ||||
Copa Mundial de Fútbol | ||||
Participación | Ensin participaciones[1] | |||
Copa de les Rexones | ||||
Participación | 1 | |||
Meyor resultáu | Subcampeón, 2013 | |||
[editar datos en Wikidata] |
A lo llargo de la so historia, el combináu catalán recibió otros nomes como federación catalana o seleición de Barcelona,[2][3] y mientres dellos años tuvo formada por un combináu de xugadores que veníen de equipos catalanes ensin importar la so nacionalidá. A partir de 1997, Cataluña pasa a escoyer namái xugadores que nacieren na comunidá autónoma, o moráu la mayor parte de la so vida nella. Dende la década de 1990 esisten movimientos políticos y sociales, encabezaos pol gobiernu de la Xeneralidá de Cataluña y diverses plataformes civiles, que reivindiquen la reconocencia del combináu catalán como seleición nacional y la so participación en competiciones oficiales.[4][5][6]
La seleición absoluta masculina ta dirixida dende 2013 por Gerard López.