Komunidad na LGBT
From Wikipedia, the free encyclopedia
An komunidad na LGBT (midbid man bilang komunidad na LGBTQ+, komunindad na LGBTQIA+, komunidad na GLBT,[4] o queer community) iyo an sarong grupo nin mga papanay, bakla, bisekswal, asin transgender na mga indibidwal binubunyog kan sarong komun na kultura asin sosyal na mga hiroan. An mga komunidad na ini sa pangkagabsan nagseselebrar kan pride, diversity, indibidwalidad, asin sekswalidad. An mga aktibistang LGBT asin mga sosyologo pighihiling an mga edipisyong-komunidad na LGBT bilang sarong pangontra sa heteroseksismo, homopobya, bipobya, transpobya, sekswalismo, asin conformist na mga presyon na nag-eeksistir sa darakulang sosyedad. An terminong pride o kun minsan gay pride nagpapahayag kan identidad asin kolektibong kusog kan komunidad na LGBT; an pride parades nagtatao nin mga ehemplo kan paggamit asin demonstrasyon kan pangkagabsan na kahulugan kan termino. An komunidad na LGBT igwa nin dibersidad sa political affiliation. Bako gabos na mga tawo na mga lesbyana, bakla, bisekswal, o transgender pigkokonsiderar ninda an saindang mga sadiri bilang kabtang kan komunidad na LGBT.