Менскае пагадненьне (2015)
From Wikipedia, the free encyclopedia
Комплекс захадаў выкананьня Менскіх пагадненьняў — паўторнае пагадненьне аб спыненьні агню між урадамі Расеі і Ўкраіны[1] ад 12 лютага 2015 г. пры пасярэдніцтве Арганізацыі бясьпекі і супрацы ў Эўропе, якая мела ажыцьцяўляць нагляд за адводам цяжкага ўзбраеньня і вывадам з Украіны расейскіх вайсковых злучэньняў і ўзбраеньня. Падпісаны ў ходзе пашырэньня расейскай вайсковай інтэрвэнцыі на ўсходзе Украіны і ўкраінскага адказу на яе ў выглядзе антытэрарыстычнай апэрацыі. Складаўся з 13 пунктаў, у тым ліку прадугледжваў «абмен усіх закладнікаў» і «аднаўленьне поўнага кантролю» ўрадам Украіны над расейска-ўкраінскай мяжой. Падрыхтоўку пагадненьня ажыцьцявілі прэзыдэнты Расеі і Ўкраіны Ўладзімер Пуцін і Пятро Парашэнка адпаведна, пры пасярэдніцтве канцлеркі Нямеччыны Ангелы Мэркэль і прэзыдэнта Францыі Франсуа Алянда на саміце ў Менску (Беларусь) 11—12 лютага 2015 року ў фармаце «нармандзкай чацьвёркі». Акрамя ўдзельнікаў Трохбаковай кантактнай групы, пад подпісам расейскага амбасадара ўласныя подпісы без пазначэньня прыналежнасьці паставілі Аляксандар Захарчанка і Ігар Платніцкі, якія ўдзельнічалі ў кіраваных расейскімі дывэрсантамі[2] тэрарыстычных арганізацыях «Данецкая» і «Луганская народныя рэспублікі». У 2-ым пункце адмыслова ўдакладняўся адвод гарматаў на адлегасьць іх найбольш далёкай стральбы. У тым ліку згадвалася рэактыўная сыстэма залпавага агню (РСЗА) «Тарнада», што стаяла на ўзбраеньні выключна расейскага войска («Тарнада-С»).
Менскае пагадненьне | |
Комплекс захадаў выкананьня Менскіх пагадненьняў | |
А. Лукашэнка і «нармандзкая чацьвёрка» перад перамовамі (11 лютага 2015 г., Менск) | |
Тып дамовы | пагадненьне пра спыненьне вагню |
---|---|
Падрыхтаваная | 11—12 лютага 2015 |
Падпісаная | 12 лютага 2015 |
· месца | Менск, Палац незалежнасьці |
Набыла моц | 15 лютага 2015 |
· умовы | адвод артылерыі на 50 км, вывад з Украіны расейскіх войскаў, аднаўленьне ўрадам Украіны кантролю над расейска-ўкраінскай мяжой |
Тэрмін дзеяньня | бестэрміновы |
Падпісанты | Гайдзі Тальявіні (пасярэдніца), Леанід Кучма Міхаіл Зурабаў |
Бакі | (АБСЭ) Украіна Расея |
Статус | дзейны |
Мова | расейская |
osce.org/ru/cio/140221?download=true |
- Пра пагадненьні 2014 году глядзіце артыкул Менскія пагадненьні (2014).
- Пра абагулены прадмет артыкула глядзіце артыкул Менскія пагадненьні.