Сьпіс краінаў паводле насельніцтва
From Wikipedia, the free encyclopedia
На гэтай старонцы прыведзены сьпіс краінаў паводле насельніцтва. Сьпіс утрымлівае незалежныя краіны і населеныя залежныя тэрыторыі ў адпаведнасьці са стандартам ISO 3166-1. У адсотках прыведзена дачыненьне насельніцтва краіны да сусьветнага насельніцтва, каторае ў дадзены момант складае 7 312 880 000.[1]
Тэрыторыі, якія зьяўляюцца неад’емнымі часткамі сувэрэнных дзяржаваў, як напрыклад Краіны Злучанага Каралеўства, не ўключаны ў сьпіс у выглядзе асобных запісаў. Таксама ня ўключаны некаторыя адзінкі, як напрыклад Эўрапейскі Зьвяз,[2], каторыя не зьяўляецца сувэрэннымі дзяржавамі, і залежныя тэрыторыі, каторыя ня маюць пастаяннага насельніцтва, як напрыклад Антарктыда.[3]
Лічбы, прыведзеныя ў табліцы, звычайна зьяўляюцца ацэначнымі значэньнямі нацыянальных статыстычных камітэтаў. Калі нацыянальныя дадзеныя невядомыя, выкарыстоўваюцца ацэначныя значэньні Бюро перапісу насельніцтва ЗША па стане на 2015 год. Аналізуючы прыведзеныя лічбы і робячы на іх аснове высновы, трэба мець на ўвазе, што яны не заўсёды атрыманы ў адзін і той жа час, і не абавязкова з адной і той жа дакладнасьцю. Гэтая асаблівасьць можа прыводзіць яшчэ да аднаго нэгатыўнага наступства — сума насельніцтва ўсіх краінаў можа не супадаць зь лічбай сусьветнага насельніцтва.